Home தமிழகம் பாலியல் குற்றவாளிகளைக் காப்பாற்றிட ஆளுங்கட்சியே துணை போவதா? - மு.க.ஸ்டாலின் கண்டனம்

பாலியல் குற்றவாளிகளைக் காப்பாற்றிட ஆளுங்கட்சியே துணை போவதா? – மு.க.ஸ்டாலின் கண்டனம்

பொள்ளாச்சியில் பாலியல் கொடுமையில் ஈடுபட்ட குற்றவாளிகளைக் காப்பாற்றிட ஆளுங்கட்சியே துணை போவது கடும் கண்டனத்திற்குரியது என திமுக தலைவர் ஸ்டாலின் தெரிவித்துள்ளார்

சென்னை: பொள்ளாச்சியில் பாலியல் கொடுமையில் ஈடுபட்ட குற்றவாளிகளைக் காப்பாற்றிட ஆளுங்கட்சியே துணை போவது கடும் கண்டனத்திற்குரியது என திமுக தலைவர் ஸ்டாலின் தெரிவித்துள்ளார்.

இதுகுறித்து அவர் வெளியிட்டுள்ள அறிக்கையில் கூறியிருப்பதாவது: பொள்ளாச்சியில் கல்லூரி மற்றும் பள்ளி மாணவிகளை காமுகர்கள் கூட்டம் ஒன்று கொடூரமான  பாலியல் வன்முறைக்குட்படுத்தியிருக்கும் அதிர்ச்சி தரும் செய்தியும் அது தொடர்பான வீடியோ காட்சிகளும் வெளியாகியுள்ளன.

சில நிமிடங்களே நீடிக்கும் அந்த வீடியோவைப் பார்க்க முடியாத அளவுக்கு அபலை மாணவிகள் அலறித் துடிக்கும் காட்சிகள் உள்ளன. இந்தக் கொடூர சம்பவத்தின் பின்னணியில் ஆளுங்கட்சியைச் சேர்ந்தவர்கள் துணையாக இருப்பதும் பத்திரிகைகளில் வெட்ட வெளிச்சமாக்கப்பட்டுள்ளது. பொள்ளாச்சிப் பகுதியில் பொதுமக்களும், திராவிட முன்னேற்றக் கழகம் உள்ளிட்ட பல்வேறு எதிர்க்கட்சிகளைச் சேர்ந்தவர்களும் போராட்டங்களை நடத்தியும் உரிய நடவடிக்கை எடுக்கப்படவில்லை.

நீண்ட நாட்களாக நடைபெறும் இந்த மிகப் பெரிய அளவிலான பாலியல் வன்முறையில் ஒரு துளி மட்டுமே  வெளிவந்துள்ளது. காவல்துறை தரப்பிலும் போதிய நடவடிக்கைகள் மேற்கொள்ளப்படவில்லை. சிக்கியவர்களைத் தப்பவிடுவதற்காக ஆளுந்தரப்பு பகீரத முயற்சி எடுத்து வருகிறது. தமிழ்நாடே குலை நடுங்கும் வகையில் இளம்பெண்களை சீரழிக்கும் மிக மோசமான ஒரு கலாச்சாரத்திற்கு ஆளுங்கட்சியான அதிமுக துணை போவது கடும் கண்டனத்திற்குரியது.

தவறு செய்தவர்கள் தண்டனையிலிருந்து தப்ப முடியாது. பாதிக்கப்பட்ட மாணவிகளின் எதிர்கால நலன் பாதுகாக்கப்படும் வகையில் விசாரணை நடைபெற வேண்டும். குற்றவாளிகள் கடுமையாகத் தண்டிக்கப்படவேண்டும். அதிமுக ஆட்சியின் 8 ஆண்டு காலத்தில் பெண்களுக்கு பாதுகாப்பில்லை என்பதற்கு சென்னை தொடங்கி பொள்ளாச்சி வரை ஏராளமான கொடூர நிகழ்வுகள் நடந்துள்ளன. பொள்ளாச்சியில் நடந்திருப்பது பேரதிர்ச்சியை ஏற்படுத்துகிறது. இதனை வலியுறுத்தி, திமுக சட்டரீதியாகவும் மக்கள் மன்றத்திலும் தனது போராட்டத்தை மேற்கொள்ளும். இவ்வாறு அதில் கூறப்பட்டுள்ளது.

மாவட்ட செய்திகள்

Most Popular

அதிமுகவை மீட்டெடுப்போம் என தெரிவித்த தினகரனை விமர்சித்த அமைச்சர் ஜெயக்குமார்

சென்னை வள்ளலார் நகரில் உள்ள பேருந்து நிலையம் ஒரு கோடி மதிப்பீட்டில் அமைக்கப்பட்டுள்ளது. இந்த பேருந்து நிலையத்தை அமைச்சர் ஜெயக்குமார் மக்கள் பயன்பாட்டுக்கு திறந்துவைத்தார்.

புதிய அமைப்பை தொடங்குகிறார் இயக்குநர் எஸ்.ஏ சந்திரசேகர்!

இயக்குநரும், நடிகர் விஜயின் தந்தையுமான எஸ். ஏ சந்திரசேகர் தற்போது சமுத்திரகனி நடிப்பில் ஒரு படத்தை இயக்கி வருகிறார். விஜய் மக்கள் மன்றத்தின் ஒருங்கிணைப்பாளராக இருக்கும்...

சசிகலாவை சந்தித்தது ஏன்? -நடிகர் பிரபு விளக்கம்

மறைந்த நடிகர் சிவாஜி கணேசன் காங்கிரஸில் இருந்தவர். பின்னர் புதிய கட்சி தொடங்கி தேர்தலில் நின்று தோல்வியடைந்தார். இந்த சூழலில் சிவாஜியின் மூத்த மகனும் நடிகருமான ராம்குமார் அண்மையில் பாஜகவில்...
TopTamilNews