Home தமிழகம் பணிக்குத் திரும்பினால் விரும்புகின்ற இடத்திற்கு பணியிடமாற்றம்: தமிழக அரசு

பணிக்குத் திரும்பினால் விரும்புகின்ற இடத்திற்கு பணியிடமாற்றம்: தமிழக அரசு

போராட்டத்தை கைவிட்டு பணிக்குத் திரும்பும் ஆசிரியர்களுக்கு, அவர்கள் விரும்புகின்ற இடத்திற்கு பணியிடமாற்றம் வழங்கப்படும் என தமிழக பள்ளிக்கல்வித்துறை தெரிவித்துள்ளது. 

சென்னை: போராட்டத்தை கைவிட்டு பணிக்குத் திரும்பும் ஆசிரியர்களுக்கு, அவர்கள் விரும்புகின்ற இடத்திற்கு பணியிடமாற்றம் வழங்கப்படும் என தமிழக பள்ளிக்கல்வித்துறை தெரிவித்துள்ளது. 

அரசு ஊழியர்கள் மற்றும் ஆசிரியர்கள் சங்கங்கள் இணைந்து ஜாக்டோ- ஜியோ அமைப்பினர், பல்வேறு கோரிக்கைகளை வலியுறுத்தி போராட்டத்தில் ஈடுபட்டு வருகின்றனர். வேலைநிறுத்தத்தில் ஈடுபடும் ஊழியர்களுக்கு ஊதியம் கிடையாது என எச்சரித்திருந்தும் அவர்களது போராட்டம் தொடர்கிறது.

அரசு ஊழியர்களின் இந்த போராட்டம் 7-வது நாளாக நீடித்து வருகிறது. ஒருவேளை ஆசிரியர்கள் பணிக்கு திரும்பாவிட்டால், புதிய இடத்தில் பணியமர்த்தப்படுவார்கள் என்றும் நாளைக்குள் பணிக்குத் திரும்பும் ஆசிரியர்கள் மீது நடவடிக்கை இருக்காது என்றும் நேற்று பள்ளிக்கல்வித்துறை அதிகாரிகள் எச்சரிக்கை விடுத்திருந்தனர். 

இதற்கிடையே, தற்காலிக ஆசிரியர்களை நியமித்து பள்ளியை இயக்கவும் பள்ளிக்கல்வித்துறை அதிகாரிகள் திட்டமிட்டு வருகின்றனர். இதற்காக, மூன்று தலைமை ஆசிரியர்கள் மற்றும் 2 ஆசிரியர்களைக் கொண்ட குழு, தற்காலிக ஆசிரியர்களுக்கான விண்ணப்பங்களை ஆய்வு செய்து, இறுதி செய்து வருகிறது. 

இந்த நிலையில், இன்று மாலைக்குள் பணிக்குத் திரும்பும் ஆசிரியர்களுக்கு, அவர்கள் விரும்பும் இடத்திற்கு பணியிடமாற்றம் வழங்கப்படும் என பள்ளிக்கல்வித்துறை அறிவித்துள்ளது. பணிக்குத் திரும்பும் ஆசிரியர்கள் கேட்கும் இடத்தில், ஆசிரியர்கள் வேலைநிறுத்தத்தில் ஈடுபட்டிருந்தால் அந்த இடம் காலியாக கருதப்பட்டு அங்கு பணியிடமாற்றம் வழங்கப்படும் என்றும் பள்ளிக்கல்வித்துறை விளக்கம் அளித்துள்ளது. 

மாவட்ட செய்திகள்

Most Popular

விஷவாயு தாக்கி 2 பேர் மயக்கம் : மருத்துவமனையில் தீவிர சிகிச்சை!

பாதாள சாக்கடையில் சுத்தம் செய்ய இறங்கிய இரண்டு பேர் மயக்கமடைந்த சம்பவம் அதிர்ச்சியை ஏற்படுத்தியுள்ளது. தமிழகத்தில் விஷவாயு தாக்கி...

‘பாஜகவில் இணையும் வனிதா விஜயகுமார்’ : உண்மையை போட்டுடைத்த நடிகை கஸ்தூரி

நடிகை வனிதா விஜயகுமார் பாஜகவில் இணையவுள்ளதாக நடிகை கஸ்தூரி தெரிவித்துள்ளார். நடிகை வனிதா விஜயகுமார் செய்தி தான் கடந்த...

14 பேரை கடித்த வெறி நாய் : அச்சத்தில் உறைந்த மக்கள்!!

ஒரு வாரத்தில் 14 பேரை கடித்து குதறிய நாயால் திருவொற்றியூர் பகுதி மக்கள் அச்சத்தில் உள்ளனர். திருவொற்றியூர் தாங்கல்...

சிறுமி பாலியல் பலாத்காரம் செய்யப்பட்டதை பஞ்சாப் அரசு மறுக்கவில்லை… பா.ஜ.க.வுக்கு பதிலடி கொடுத்த ராகுல்

உத்தர பிரதேச அரசு போலல்லாமல், பஞ்சாப், ராஜஸ்தான் காங்கிரஸ் அரசுகள் சிறுமி பாலியல் பலாத்காரம் செய்யப்பட்டதை மறுக்கவில்லை என பா.ஜ.க.வுக்கு ராகுல் காந்தி பதிலடி கொடுத்துள்ளார்.
Do NOT follow this link or you will be banned from the site!