Home அரசியல் தேசத் துரோக வழக்கில் வைகோவுக்கு ஓராண்டு சிறை தண்டனை!

தேசத் துரோக வழக்கில் வைகோவுக்கு ஓராண்டு சிறை தண்டனை!

தேசத் துரோக வழக்கில் வைகோ குற்றவாளி என சென்னை சிறப்பு நீதிமன்றம் தீர்ப்பு அளித்துள்ளது. 

தேசத் துரோக வழக்கில் வைகோவுக்கு ஓராண்டு சிறை தண்டனை!

சென்னை: தேசத் துரோக வழக்கில் வைகோ குற்றவாளி என சென்னை சிறப்பு நீதிமன்றம் தீர்ப்பு அளித்துள்ளது. 

vaiko

கடந்த  2009ஆம் ஆண்டு நான் குற்றம்சாட்டுகிறேன் என்ற புத்தக வெளியிட்டு விழா சென்னை ராணி சீதை மன்றத்தில் நடந்தது. இந்த விழாவில் பேசிய மதிமுக பொதுச்செயலாளர் வைகோ, விடுதலைப்புலிகளுக்கு ஆதரவாகவும், மத்திய அரசுக்கு எதிராகவும் கருத்துக்களைப் பேசியதாக அவர் மீது தேசத் துரோக வழக்கு தொடரப்பட்டது. இந்த வழக்கின் விசாரணை சென்னை மாவட்ட ஆட்சியர் அலுவலகத்திலுள்ள சிறப்பு நீதிமன்றத்தில் நடந்து வருகிறது.

vaiko

இதையடுத்து கடந்த மாதம் 17 ஆம் தேதி  இந்த வழக்கு நீதிபதி சாந்தி முன்னிலையில் விசாரணைக்கு வந்தது. அப்போது ஆஜரான வைகோ,  ‘நான் தமிழ் ஈழ விடுதலைப் புலிகளை ஆதரித்துப் பேசினேன். இலங்கையில் தமிழர்கள் கொல்லப்பட்டதற்கு இலங்கை அரசு தான்  காரணம். நான் மத்திய அரசு மீது எந்த காழ்ப்புணர்ச்சியையும் வெளிப்படுத்தவில்லை.  கடந்த 2002ஆம் ஆண்டு நான் மக்களவையில் விடுதலைப்புலிகளை நேற்றும் ஆதரித்தேன் இன்றும் ஆதரிக்கிறேன்,நாளையும் ஆதரிப்பேன் என்று பேசியதைச் சுட்டிக்காட்டி ஒரு பொதுக்கூட்டத்தில் நான் பேசினேன். அதற்காக என் மீது பொடா சட்டம் சட்டம் பாய்ந்தது. நான் கைது செய்யப்பட்டேன். இந்த வழக்கை விசாரித்த உச்சநீதிமன்றம் தடை செய்யப்பட்ட அமைப்பைப் பற்றிப் பேசுவது குற்றமல்ல என்று தீர்ப்பளித்தது’ என்றார். 

vaiko

இந்நிலையில் தேசத் துரோக வழக்கில் வைகோ குற்றவாளி எனச் சென்னை சிறப்பு நீதிமன்றம் தீர்ப்பு அளித்துள்ளது. அத்துடன் அவருக்கு ஓராண்டு சிறையும், 10 ஆயிரம் அபராதமும் விதிக்கப்பட்டுள்ளது. இந்த தீர்ப்பை நீதி சாந்தி வழங்கினார். இதைத் தொடர்ந்து அபராத தொகையை வைகோ செலுத்தினார். 
மேலும் தீர்ப்பு குறித்து என்ன நினைக்கிறீர்கள் என்று வைகோவிடம் நீதிபதி கேட்டதற்கு இன்றே தண்டனை குறித்து அறிவிக்க வேண்டும் என்று கூறியுள்ளார். இந்த வழக்கின் தீர்ப்பை எதிர்த்து வைகோ மேல்முறையீடும் செய்ய வாய்ப்புள்ளது. 

முன்னதாக வைகோ திமுக சார்பில் மாநிலங்களவை தேர்தலில் போட்டியிட  இருந்தார் என்பது குறிப்பிடத்தக்கது. 

தேசத் துரோக வழக்கில் வைகோவுக்கு ஓராண்டு சிறை தண்டனை!
-Advertisement-

மாவட்ட செய்திகள்

-Advertisement-

சமீபத்திய செய்திகள்

குழந்தைகள் கிணற்றில் மூழ்கி உயிரிழந்து உடல்கள் மிதக்கும் வரை.. வெறித்து பார்த்துக் கொண்டிருந்த தாய்

பெற்ற குழந்தைகளை கிணற்றுக்குள் வீசியதில் அக்குழந்தைகள் தண்ணீருக்குள் மூழ்கி உயிரிழந்து உடல்கள் மேலே வந்து மிதக்கும் வரைக்கும் வெறித்து பார்த்து கொண்டிருந் திருந்கிறார். ஆட்கள் அருகே வந்ததும் தான் தற்கொலை...

2 நாட்களில் மூட்டைக்கு ரூ.55 குறைந்த சிமெண்ட் விலை!

தமிழகத்தில் கொரோனா ஊரடங்கு காரணமாக 70% கட்டுமான பணிகள் தேக்கமடைந்துள்ளன. கட்டுமானப் பணிகளுக்கு அழைத்து வரப்பட்டு பணி செய்து வரும் வட மாநில தொழிலாளர்கள் பொதுமக்கள் காரணமாக சொந்த...

விடுபட்ட 9 மாவட்டங்களில் உள்ளாட்சி தேர்தல்- முதல்வர் ஆலோசனை

விடுபட்ட 9 மாவட்டங்களில் உள்ளாட்சி தேர்தலை நடத்துவது தொடர்பாக முதலமைச்சர் மு.க.ஸ்டாலின் அமைச்சர்கள் மற்றும் அதிகாரிகளுடன் ஆலோசனை நடத்தினார்.

12 ஆம் வகுப்பு மாணவியுடன் நெருக்கமாக இருந்த முன்னாள் ஆசிரியருக்கு வலைவீச்சு

திண்டுக்கல் மாவட்டம் ஆரணி அருகே 12-ம் வகுப்பு மாணவிக்கு பாலியல் தொல்லை கொடுத்த முன்னாள் ஆசிரியரும், அரசு ஊழியருமானவரை போலீசார் தேடி வருகின்றனர்.
- Advertisment -
TopTamilNews