Home அரசியல் தி.மு.க எம்.பி-க்களை அவமதித்த தலைமைச் செயலாளர் வருத்தம் தெரிவிக்க வேண்டும்! - வைகோ வலியுறுத்தல்

தி.மு.க எம்.பி-க்களை அவமதித்த தலைமைச் செயலாளர் வருத்தம் தெரிவிக்க வேண்டும்! – வைகோ வலியுறுத்தல்

ம.தி.மு.க பொதுச் செயலாளர் வைகோ இன்று (மே 14) வெளியிட்டுள்ள அறிக்கையில், “திமுக தலைவரும், சட்டமன்ற எதிர்க்கட்சித் தலைவருமான மு.க.ஸ்டாலினின் ‘ஒன்றிணைவோம் வா’ செயல் திட்டத்தில், இலட்சக்கணக்கான மக்கள் பல்வேறு உதவிகளை நாடி அழைப்பு விடுத்துள்ளனர்.

தி.மு.க எம்.பி-க்களை அவமதித்த தலைமைச் செயலாளர் உடனடியாக வருத்தம் தெரிவிக்க வேண்டும் என்று ம.தி.மு.க பொதுச் செயலாளர் வைகோ கூறியுள்ளார்.
ம.தி.மு.க பொதுச் செயலாளர் வைகோ இன்று (மே 14) வெளியிட்டுள்ள அறிக்கையில், “திமுக தலைவரும், சட்டமன்ற எதிர்க்கட்சித் தலைவருமான மு.க.ஸ்டாலினின் ‘ஒன்றிணைவோம் வா’ செயல் திட்டத்தில், இலட்சக்கணக்கான மக்கள் பல்வேறு உதவிகளை நாடி அழைப்பு விடுத்துள்ளனர்.

mk-stalin-89

திமு கழகத்தின் சார்பில் கொரோனா பேரிடரால் பாதிக்கப்பட்டுள்ள மக்களுக்கு உதவிகள் அளிக்கப்பட்டு வரும் நிலையில், அரசின் கவனத்திற்குக் கொண்டுசெல்லப்பட வேண்டிய பிரச்னைகள் குறித்து வந்துள்ள ஒரு லட்சம் கோரிக்கைகளை தமிழக அரசிடம் நேரில் முன் வைப்பதற்கு திமுக நாடாளுமன்றக் குழுத் தலைவரும், முன்னாள் மத்திய அமைச்சருமான திரு டி.ஆர்.பாலு அவர்கள் தலைமையிலான முன்னாள் மத்திய அமைச்சரும், மத்திய சென்னை நாடாளுமன்ற உறுப்பினருமான தயாநிதிமாறன், வடசென்னை நாடாளுமன்ற உறுப்பினர் கலாநிதி, தென்சென்னை நாடாளுமன்ற உறுப்பினர் தமிழச்சி தங்கப்பாண்டியன் ஆகியோர் அடங்கிய குழு நேற்று மாலை 5 மணிக்கு தலைமைச் செயலகம் சென்றுள்ளது.
தலைமைச் செயலகத்தில், தமிழக அரசின் தலைமைச் செயலாளர் திரு சண்முகம் அவர்களைச் சந்தித்து, மக்கள் அளித்த கோரிக்கை மனுக்களை ஒப்படைக்கச் சென்ற நாடாளுமன்ற உறுப்பினர்களிடம் முறைப்படி பின்பற்ற வேண்டிய நடைமுறைகளைக் காற்றில் பறக்கவிட்டுவிட்டு, மிகவும் அலட்சியமாக நடந்துகொண்டிருப்பது கடும் கண்டனத்துக்கு உரியது.

vaiko-89.jpg

தலைமைச் செயலகம் என்பது சாதாரண மக்கள்கூட தங்கள் பிரச்சினைகளைத் தெரிவிக்கும் முகாமையான இடம். நாடாளுமன்ற உறுப்பினர்களுக்கே இதுதான் நிலை எனில், எளிய மக்களிடம் அதிகார வர்க்கம் எப்படி நடந்துகொள்ளும்? இதுபோன்ற பண்பாடற்ற, நெறிகெட்ட மரபு மீறிய செயல்களை ஜனநாயக நாட்டில் அனுமதிக்க முடியாது.
மக்கள் பிரதிநிதிகளிடம் குறைந்தபட்ச மரியாதையைக்கூட காட்டாமல், மிகுந்த ஆணவத்துடன் நடந்துகொண்ட தலைமைச் செயலாளர் உடனடியாக வருத்தம் தெரிவிக்க வேண்டும்” என்று கூறியுள்ளார்.

Most Popular

மக்களை ஏமாற்றி பணம் சம்பாதிக்கும் பாதையை தேர்ந்தெடுத்துள்ளது எடியூரப்பா அரசு… காங்கிரஸ் குற்றச்சாட்டு

மக்களை ஏமாற்றி பணம் சம்பாதிக்கும் பாதையை எடியூரப்பா அரசு தேர்ந்தெடுத்துள்ளது என கர்நாடக காங்கிரஸ் தலைவர் டி.கே.சிவகுமார் குற்றம் சாட்டினார். கர்நாடகாவில் முதல்வர் பி.எஸ். எடியூரப்பா...

வேளாண் மசோதாக்களை திரும்ப அனுப்புங்க…. குடியரசு தலைவரை சந்தித்து குலாம் நபி ஆசாத் வேண்டுகோள்..

காங்கிரஸ் எம்.பி. குலாம் நபி ஆசாத் நேற்று குடியரசு தலைவரை சந்தித்து வேளாண் மசோதாக்களை மத்திய அரசுக்கு திரும்ப அனுப்ப வேண்டும் என வேண்டுகோள் விடுத்தார்.

நாடாளுமன்றத்தை உணர்ச்சிகளால் நடத்த முடியாது… பா.ஜ.க., காங்கிரசுக்கு தேவகவுடா அட்வைஸ்…

நாடாளுமன்றத்தை உணர்ச்சிகளால் நடத்த முடியாது. இரு தேசிய கட்சிகளும் நாடாளுமன்றத்தை நடத்துவதற்கும், விவசாய துறையின் பிரச்சினைகளை தீர்ப்பதற்கும் ஒரு புரிதலுக்கு வர வேண்டும் என தேவகவுடா அறிவுறுத்தியுள்ளார்.

நான் சில அமைச்சரா அல்லது சிறந்த எதிர்க்கட்சி தலைவரா? காங்கிரசுக்கு பதிலடி கொடுத்த பாலிவுட் நடிகை

பஞ்சாப் காங்கிரசார் தனது உருவ பொம்மையை எரித்தற்கு, நான் சில அமைச்சரா அல்லது சிறந்த எதிர்க்கட்சி தலைவரா? என்று அவர்களுக்கு நடிகை கங்கனா ரனாவத் பதிலடி கொடுத்துள்ளார்.
Do NOT follow this link or you will be banned from the site!