Home தமிழகம் திருவாரூர் இடைத்தேர்தல்: அதிமுக, திமுக, அமமுக வேட்பாளர்கள் இன்று அறிவிப்பு

திருவாரூர் இடைத்தேர்தல்: அதிமுக, திமுக, அமமுக வேட்பாளர்கள் இன்று அறிவிப்பு

திருவாரூர் தொகுதி இடைத்தேர்தலில் போட்டியிடவுள்ள அதிமுக, திமுக, அமமுக வேட்பாளர்களின் பெயர்கள் இன்று அறிவிக்கப்படுகின்றன

சென்னை: திருவாரூர் தொகுதி இடைத்தேர்தலில் போட்டியிடவுள்ள அதிமுக, திமுக, அமமுக வேட்பாளர்களின் பெயர்கள் இன்று அறிவிக்கப்படுகின்றன.

திமுக முன்னாள் தலைவரும், முன்னாள் முதல்வருமான கருணாநிதி, கடந்த ஆகஸ்ட் மாதம் 7-ம் தேதி காலமானார். அவரின் மறைவிற்கு பிறகு அவர் உறுப்பினராக இருந்த திருவாரூர் சட்டமன்ற தொகுதி காலியானதாக அறிவிக்கப்பட்டது.

இதையடுத்து, திருவாரூர் தொகுதிக்கு ஜனவரி 28-ம் தேதி இடைத்தேர்தல் நடைபெற இருப்பதாகவும், அதில் பதிவான வாக்குகள் 31-ம் தேதி எண்ணப்படும் என்றும் இந்திய தேர்தல் ஆணையம் அறிவித்தது. இதற்கான வேட்புமனுத் தாக்கல் நேற்று தொடங்கி நடைபெற்று வருகிறது. வருகிற 10-ம் தேதி, வேட்புமனுத் தாக்கலுக்கான கடைசி நாள் ஆகும். வேட்பு மனுக்கள் மீதான பரிசீலனை 11-ம் தேதி நடைபெற்று, இறுதி பட்டியல் 14-ம் தேதி வெளியிடப்படும்.

இந்நிலையில், திருவாரூர் தொகுதி இடைத்தேர்தலில் போட்டியிடவுள்ள அதிமுக, திமுக, அமமுக உள்ளிட்ட முக்கிய கட்சிகளின் வேட்பாளர்கள் பெயர்கள் இன்று அறிவிக்கப்படுகின்றன.

இடைத்தேர்தலில் அதிமுக, திமுக சார்பில் போட்டியிட விரும்பியவர்கள் பூர்த்தி செய்யப்பட்ட விண்ணப்பத்தை அளிப்பதற்கான அவகாசம் நேற்றுடன் முடிந்தது. அதிமுக சார்பில் போட்டியிட 52 பேரும், திமுக சார்பில் போட்டியிட 30-க்கும் மேற்பட்ட விருப்ப மனுக்கள் பெறப்பட்டுள்ளன.

திமுக-வை பொறுத்தவரை அக்கட்சித் தலைவர் ஸ்டாலின், அவரது மகன் உதயநிதி பெயர்களை முன்மொழிந்தும் விருப்ப மனுக்கள் அளிக்கப்பட்டுள்ளன. அதிகமான விருப்ப மனுக்கள் பூண்டி கலைவாணன் பெயரில் அளிக்கப்பட்டுள்ளதாக தெரிகிறது.

திமுக சார்பில் பூண்டி கலைவாணன், அதிமுக சார்பில் ஏற்கெனவே போட்டியிட்ட பன்னீர்செல்வம் அல்லது மாநிலங்களவை உறுப்பினர் வைத்தியலிங்கம், அமமுக சார்பில் குடவாசல் ராஜேந்திரன் அல்லது திருவாரூர் தொகுதி மாவட்ட செயலாளர் காமராஜ் வேட்பாளராக அறிவிக்கப்படலாம் என தெரிகிறது.

மாவட்ட செய்திகள்

Most Popular

கல் குவாரி அமைக்க எதிர்ப்பு… தூத்துக்குடி ஆட்சியர் அலுவலகத்தை பொதுமக்கள் முற்றுகை…

தூத்துக்குடி ஶ்ரீவைகுண்டம் அருகே கல் குவாரி அமைக்க எதிர்ப்பு தெரிவித்து, தூத்துக்குடி மாவட்ட ஆட்சியர் அலுவலகத்தை பொதுமக்கள் முற்றுகையிட்டு போராட்டத்தில் ஈடுபட்டனர்.

திமுகவுடன் மமக, முஸ்லீம் லீக் தொகுதி பங்கீடு கையெழுத்தானது

சென்னை அண்ணா அறிவாலயத்தில் கூட்டணி தொடர்பாக திமுக இரண்டாம் கட்ட பேச்சுவார்த்தை நடத்தி வருகிறது. இதில், மமகவும், இந்திய யூனியன் முஸ்லீம் லீக் கட்சியும் தொகுதிப்பங்கீட்டுப் பேச்சு வார்த்தையில் உடன்பாடு...

கங்கனா ரணாவத்துக்கு பிடிவாரண்ட்

பாலிவுட் நடிகர் சுசாந்த் சிங் ராஜ்புத்தின் மரணம் குறித்து தொலைக்காட்சி நிகழ்ச்சி ஒன்றில் பேசிய கங்கன ரணாவத், இந்தி பாடலாரிசியர் ஜாவித் அக்பர் மீது பல்வேறு குற்றச்சாட்டுகளை முன்வைத்தார்.

பீட்ரூட்டை பயன்படுத்தி சருமம் மற்றும் முடியின் பாதுகாப்பை அதிகரிப்பது எப்படி?

ஊட்டச்சத்துக்கள் நிறைந்த பீட்ரூட் மிகவும் ஆரோக்கியமானது மட்டுமல்ல, சருமம் மற்றும் முடியின் ஆரோக்கியத்தையும் மேம்படுத்தக் கூடியது. பீட்ரூட்டை பயன்படுத்தி சருமம் மற்றும் முடியை எப்படி இயற்கையான ஆரோக்கியமான முறையில் பராமரிப்பது...
TopTamilNews