Home தமிழகம் ‘திமுகவின் வெற்றிக்கு ஊண் உறக்கமின்றி விசிக பாடுபடும்’ - திருமா அறிவிப்பு

‘திமுகவின் வெற்றிக்கு ஊண் உறக்கமின்றி விசிக பாடுபடும்’ – திருமா அறிவிப்பு

திருவாரூர் இடைத்தேர்தலில் போட்டியிடும் திமுக வேட்பாளரின் வெற்றிக்கு ஊண் உறக்கமின்றி விசிக பாடுபடும் என அக்கட்சியின் தலைவர் திருமாவளவன் தெரிவித்துள்ளார்.

‘திமுகவின் வெற்றிக்கு ஊண் உறக்கமின்றி விசிக பாடுபடும்’ - திருமா அறிவிப்பு

சென்னை: திருவாரூர் இடைத்தேர்தலில் போட்டியிடும் திமுக வேட்பாளரின் வெற்றிக்கு ஊண் உறக்கமின்றி விசிக பாடுபடும் என அக்கட்சியின் தலைவர் திருமாவளவன் தெரிவித்துள்ளார்.

இது தொடர்பாக அவர் இன்று வெளியிட்டுள்ள அறிக்கையில், “திருவாரூர் இடைத்தேர்தலில் திமுக சார்பில் யார் வேட்பாளராக நிறுத்தப்பட்டாலும் அவரை மகத்தான அளவில் வெற்றிபெறச் செய்வதற்கு விடுதலைச் சிறுத்தைகள் கட்சி பணியாற்றும் என்பதைத் தெரிவித்துக்கொள்கிறோம்.

‘தமிழ்நாட்டில் இடைத்தேர்தல் நடத்தப்பட வேண்டிய இருபது தொகுதிகளிலும் விடுதலைச் சிறுத்தைகள் போட்டியிடாது, திமுக வேட்பாளரின் வெற்றிக்குப் பாடுபடும்’ என ஏற்கனவே நாம் அறிவித்திருந்தோம். திருவாரூர் இடைத்தேர்தல் அறிவிக்கப்பட்ட அன்றே காட்சி ஊடகங்களின் மூலமாக எமது ஆதரவைத் தெரிவித்திருந்தோம். அங்கு சமத்துவப் பெரியார் கலைஞர் பெற்ற வாக்குகளைப் போல கூடுதலான வாக்குகளைப் பெற்று திமுக வேட்பாளர் வெற்றி பெறுவதற்கு விடுதலைச் சிறுத்தைகள் கட்சி அனைத்து விதங்களிலும் பாடுபடும்.

இருபது தொகுதிகளுக்கும் இடைத்தேர்தல் அறிவிக்காமல் திருவாரூருக்கு மட்டும் உள்நோக்கத்தோடு தேர்தல் அறிவிக்கப்பட்டுள்ளது. அந்த சதியை முறியடித்து திமுகவை வெற்றிபெறச் செய்வதன் மூலமே சனாதன சக்திகளுக்கும் அவற்றின் ஆதரவாளர்களுக்கும் பாடம் புகட்ட முடியும். எனவே, இந்த இடைத்தேர்தலை மிகுந்த முக்கியத்துவத்தோடு விடுதலைச் சிறுத்தைகள் கட்சி பார்க்கிறது.

நீண்ட காலமாக தனிதொகுதியாக இருந்த திருவாரூர் தொகுதியில் 36% தலித் வாக்காளர்கள் உள்ளனர். சனாதன சக்திகளின் சிம்ம சொப்பனமாக விளங்கும் தலித் மக்கள் இந்த இடைத்தேர்தலில் மதச்சார்பற்ற அணிக்கு தலைமை ஏற்றிருக்கும் திமுகவுக்கு மிகப்பெரும் ஆதரவை நல்குவார்கள் என்பது 
உறுதி.

திருவாரூர் தொகுதியில் உள்ள விடுதலைச் சிறுத்தைகள் ஒவ்வொருவரும் இன்றிலிருந்தே தேர்தல் பணியைத் துவக்க வேண்டும் என்றும், திமுக வேட்பாளரின் வெற்றிக்கு ஊண் உறக்கமின்றிப் பாடுபட வேண்டும் என்றும் கேட்டுக்கொள்கிறோம்” என தெரிவித்துள்ளார். 
 

‘திமுகவின் வெற்றிக்கு ஊண் உறக்கமின்றி விசிக பாடுபடும்’ - திருமா அறிவிப்பு
-Advertisement-

மாவட்ட செய்திகள்

-Advertisement-

சமீபத்திய செய்திகள்

தமிழைக் கட்டாய அர்ச்சனை மொழியாக்கி புதிய சட்டம் இயற்ற வேண்டும் – தெய்வத் தமிழ்ப் பேரவை -செயற்குழு கூட்ட தீர்மானம்

தெய்வத் தமிழ்ப் பேரவையின் செயற்குழுக் கூட்டம், இன்று காலை - குடந்தை வட்டம் - திருவேரகம் (சாமிமலை) - சமரச சுத்த சன்மார்க்க சங்கத்தில் நடைபெற்றது.கூட்டத்திற்கு, இறைநெறி இமயவன் தலைமை...

ராஜேந்திர பாலாஜியின் பழைய ஃபைல்கள்… அனுமதி கொடுத்த ஹைகோர்ட் – பீஸ்ட் மோடில் திமுக அரசு!

அதிமுக முன்னாள் அமைச்சர் ராஜேந்திர பாலாஜி 2011 முதல் 2013ஆம் ஆண்டு வரைவருமானத்திற்கு அதிகமாக சொத்து சேர்த்தது தொடர்பாக நடவடிக்கை எடுக்க கோரி உயர்நீதிமன்ற மதுரை கிளையில் தல்லாகுளத்தைச் சேர்ந்த...

மதுசூதனின் மறைவு அதிமுகவுக்கே பெரிய இழப்பு – அதிமுக நிர்வாகிகள் இரங்கல்!

சென்னை அப்போலோ மருத்துவமனையில் சிகிச்சை பெற்று வந்த அதிமுக அவைத்தலைவர் மதுசூதனன்(80) இன்று மாலை காலமானார். அவரது மறைவுக்கு அதிமுக நிர்வாகிகள் இரங்கல் தெரிவித்து வருகின்றனர்.

“மதத்தின் பெயரால் கோவில்களில் துன்புறுத்தப்படும் யானைகள்” – முடிவு கட்டும் நேரமிது என ஹைகோர்ட் கருத்து!

ஸ்ரீரங்கம் ரங்கநாதர் கோவிலில் உள்ள ஆண்டாள், லட்சுமி என்ற இரு யானைகளையும் பராமரிப்பது தொடர்பாகவும், பாகன்கள் நியமிப்பது தொடர்பாகவும், ஸ்ரீரங்கத்தைச் சேர்ந்த ரங்கராஜன் நரசிம்மன் என்பவர் பொது நல வழக்கை...
- Advertisment -
TopTamilNews