Home சினிமா டப்பிங் யூனியன் சங்கத்திலிருந்து சின்மயி நீக்கத்திற்கு இடைக்கால தடை; நீதிமன்றம் அதிரடி!

டப்பிங் யூனியன் சங்கத்திலிருந்து சின்மயி நீக்கத்திற்கு இடைக்கால தடை; நீதிமன்றம் அதிரடி!

டப்பிங் யூனியன் சங்கத்திலிருந்து பாடகி சின்மயி நீக்கப்பட்டதற்கு இடைக்கால தடை விதித்து சென்னை உரிமையியல் நீதிமன்றம் உத்தரவு பிறப்பித்துள்ளது

சென்னை: டப்பிங் யூனியன் சங்கத்திலிருந்து பாடகி சின்மயி நீக்கப்பட்டதற்கு இடைக்கால தடை விதித்து சென்னை உரிமையியல் நீதிமன்றம் உத்தரவு பிறப்பித்துள்ளது

உலகளாவிய மீ டூ பிரசாரத்தின் மூலம் பெண்கள் தங்களுக்கு நேர்ந்த பாலியல் குற்றச்சாட்டுகள் குறித்து வெளிப்படையாக பேசிய போது, ஆரம்ப காலத்தில் தான் சந்தித்த பிரச்னைகளை சின்மயியும் பகிர்ந்தார். தமிழ் சினிமாவின் மூத்த பாடலாசிரியரும், பல தேசிய விருதுகளை வென்றவருமான வைரமுத்து தனக்கு பாலியல் தொல்லை கொடுத்ததாக பகீர் கிளப்பினார்.

இதையடுத்து, பாடுவது மட்டுமன்றி, கதாநாயகிகளுக்கு டப்பிங் குரலும் கொடுத்து வந்த சின்மயி, சினிமா டப்பிங் சங்கத்தில் இருந்து அதிரடியாக நீக்கப்பட்டார்.

எனக்கு தகவல் தெரிவிக்கலாமலேயே சங்கத்தில் இருந்து நீக்கியுள்ளனர். நான் நீக்கப்பட்டதை தாமதமாக தெரிவித்துள்ளனர். உறுப்பினராக இல்லையென்றால் படங்களில் பணியாற்ற அனுமதிக்க விட மாட்டார்கள். இரண்டு ஆண்டுகளாக சந்தா கட்டணம் செலுத்தவில்லை என கூறி நீக்கியுள்ளனர் என தெரிவித்துள்ள சின்மயி, உறுப்பினர் கட்டணமாக ரூ.5 லட்சம் சந்தா கேட்கின்றனர். ஆட்களுக்கு ஏற்றாற்போல் உறுப்பினர் கட்டணம் வசூலிக்கப்படுகிறது எனவும் அப்போது சின்மயி குற்றம் சாட்டினார்.

மேலும், தான் நீக்கப்பட்டதற்கு டப்பிங் சங்கத்தின் தலைவரான ராதாரவி தான் காரணம் எனவும் அவர் குற்றம் சாட்டியிருந்தார்.

இதனைத் தொடர்ந்து, தனது நீக்கத்தை எதிர்த்து சின்மயி தரப்பில் சென்னை 2-வது உதவி உரிமையியல் நீதிமன்றத்தில் வழக்கு தொடரப்பட்டது. வழக்கு விசாரணையின் போது, 2006-ஆம் ஆண்டிலேயே நுழைவு கட்டணம், வாழ்நாள் உறுப்பினர் கட்டணங்களை செலுத்தி விட்டதாகவும், 2018- ஆம் ஆண்டு உறுப்பினர் பட்டியலில் தன் பெயர் இருப்பதாகவும் கூறி சின்மயி தரப்பில் ஆதாரங்கள் சமர்ப்பிக்கப்பட்டன.

வழக்கை விசாரித்த சென்னை உரிமையியல் நீதிமன்றம், டப்பிங் யூனியன் சங்கத்திலிருந்து பாடகி சின்மயி நீக்கப்பட்டதற்கு இடைக்கால தடை வித்து உத்தரவிட்டுள்ளது. அத்துடன், டப்பிங் யூனியன் சங்கமும் அதன் தலைவர் ராதாரவியும் வரும் 25-ம் தேதிக்குள் பதிலளிக்கவும் நீதிமன்றம் உத்தரவு பிறப்பித்துள்ளது.

இந்த தகவலை தனது ட்விட்டர் பக்கத்தில் பதிவிட்டுள்ள சின்மயி, நீண்ட சட்டப்போராட்டம் காத்திருப்பதாகவும், நீதி நிலைநாட்டப்படும் எனவும் தெரிவித்துள்ளார்.

மாவட்ட செய்திகள்

Most Popular

ஐபிஎல்: டெல்லி அணியை வீழ்த்தி ஐதராபாத் சன்ரைசர்ஸ் அசத்தல் வெற்றி

ஐபிஎல் கிரிக்கெட்டில் இன்று 47-வது ஆட்டத்தில் ஸ்ரேயாஸ் அய்யர் தலைமையிலான டெல்லி கேப்பிடல்ஸ் அணியும், டேவிட் வார்னர் தலைமையிலான சன்ரைசர்ஸ் ஹைதராபாத் அணியும் மோதின. டாஸ்...

தோஷங்களை போக்கும் பிரதோஷத்தில் சோமசூக்த பிரதட்சணம்!

உலகை காக்கும் பொருட்டு நன்மையை நமக்குத் தந்து, தீமையான விஷத்தை தான் ஏற்றுக் கொண்டார் சிவப்பெருமான். இவ்வாறு உலகை காத்த உத்தமனான பரமனை மனமுருக வேண்டி வழிபடும் தினமே பிரதோஷம்....

புத்தகத்தில் உள்ளதை திருமா மேற்கோள் காட்டினார்; அவரே சொன்னதுபோல் பாஜக அரசியல் செய்கிறது- கார்த்தி சிதம்பரம்

புதுக்கோட்டை மாவட்டம் பொன்னமராவதியில் பொதுமக்கள் சந்திப்பு நிகழ்ச்சியில் கலந்து கொண்ட பின் செய்தியாளர்களிடம் பேசிய சிவகங்கை நாடாளுமன்ற உறுப்பினர் கார்த்தி சிதம்பரம், “குஷ்பு முன்னாள் நடிகை என்பதனால் அவரது கைதை...

மக்கள் தீர்ப்பே மகேசன் தீர்ப்பு! சமூக வலைதளத்தில் உலாவரும் ரஜினியின் கடிதம்…

கடந்த 2017ஆம் ஆண்டு டிசம்பர் மாத இறுதியில் ரசிகர்களுடனான சந்திப்பின்போது தான் அரசியலுக்கு வருவது உறுதி என்றும் போர் வரும் போது களம் காணுவோம் எனவும் அறிவித்தார். இதனைத் தொடர்ந்து,...
Do NOT follow this link or you will be banned from the site!