சி.ஏ.ஏ., என்.ஆர்.சி. மற்றும் என்.பி.ஆர். யாருடைய குடியுரிமையையும் பறிக்காது….. அஜித் பவார்…. மகாராஷ்டிரா அரசியலில் பரபரப்பு திருப்பம்

சி.ஏ.ஏ., என்.ஆர்.சி. மற்றும் என்.பி.ஆர். யாருடைய குடியுரிமையையும் பறிக்காது என மகாராஷ்டிராவின் துணை முதல்வரும், தேசியவாத காங்கிரஸ் கட்சியின் மூத்த தலைவருமான அஜித் பவார் பேசியிருப்பது பலரது புருவத்தையும் உயர்த்தியுள்ளது.

மகாராஷ்டிராவில் சிவ சேனா, தேசியவாத காங்கிரஸ் மற்றும் காங்கிரஸ் கட்சிகள் அடங்கிய மகா விகாஸ் அகாடி கூட்டணி ஆட்சி நடைபெற்று வருகிறது. குடியுரிமை திருத்த சட்டம் (சி.ஏ.ஏ.), மற்றும் தேசிய மக்கள்தொகை பதிவேடு (என்.பி.ஆர்.) போன்றவற்றுக்கு சிவ சேனா தலைவரும், அம்மாநில முதல்வருமான உத்தவ் தாக்கரே ஆதரவு தெரிவித்தார். ஆனால் தேசியவாத காங்கிரஸ் மற்றும் காங்கிரஸ் கட்சிகள் சி.ஏ.ஏ., என்.பி.ஆர். மற்றும் என்.ஆர்.சி. (தேசிய குடிமக்கள் பதிவேடு) ஆகியவற்றுக்கு கடும் எதிர்ப்பு தெரிவித்து வருகின்றன.

உத்தவ் தாக்கரே

இந்நிலையில் திடீர் திருப்பமாக தேசியவாத காங்கிரஸ் கட்சியை சேர்ந்தவரும், அம்மாநில முதல்வருமான அஜித் பவார் சி.ஏ.ஏ., என்.பி.ஆர். மற்றும் என்.ஆர்.சி. ஆகியவற்றுக்கு ஆதரவாக பேசியுள்ளார். மும்பையில் நேற்று நடைபெற்ற தேசியவாத காங்கிரஸ் கட்சி தொண்டர்கள் கூட்டத்தில் கலந்து கொண்ட அஜித் பவார் பேசுகையில் கூறியதாவது: சி.ஏ.ஏ., என்.ஆர்.சி. மற்றும் என்.பி.ஆர். யாருடைய குடியுரிமையையும் பறிக்காது.

சரத் பவார்

சி.ஏ.ஏ. மற்றும் என்.பி.ஆர். ஆகியவற்றுக்கு எதிராக மகாராஷ்டிரா சட்டப்பேரவையில் தீர்மானம் நிறைவேற்ற வேண்டிய அவசியமில்லை. பீகார் சட்டப்பேரவையில் தீர்மானம் நிறைவேற்றப்பட்டதை  சுட்டிக்காட்டி சி.ஏ.ஏ., என்.பி.ஆர். மற்றும் என்.ஆர்.சி. குறித்து தவறான தகவல்கள் பரப்பப்படுகின்றன. இந்த பிரச்சினை குறித்து அதிகளவில் விழிப்புணர்வு ஏற்படுத்த வேண்டும். இவ்வாறு அவர் தெரிவித்தார். தேசியவாத காங்கிரஸ் தலைவர் சரத் பவார் கடந்த டிசம்பரில், மகாராஷ்டிராவில் குடியுரிமை திருத்த சட்டத்தை அமல்படுத்த கூடாது. அது நம் நாட்டின் மத மற்றும் சமூக நல்லிணக்கத்தை பாதிக்கும் என நான் அஞ்சுகிறேன் என தெரிவித்து இருந்தார். ஆனால் அந்த கட்சியை சேர்ந்தவரும், குறிப்பாக சரத்பவாரின் நெருங்கிய உறவினருமான அஜித் பவார் குடியுரிமை திருத்த சட்டத்துக்கு ஆதரவாக பேசியிருப்பது அந்த கட்சிக்குள் புகைச்சலை கிளப்பியுள்ளது.

 

Most Popular

பாஜகவுக்கு தாவுகிறாரா அனிதா ராதாகிருஷ்ணன்?

அதிமுகவில் இருந்து திமுகவுக்கு வந்தவர்களாக பார்த்து பாஜக வலை விரிக்கிறது என்று பேசப்பட்டு வரும் சூழலில் அனிதா ராதாகிருஷ்ணன் பாஜகவில் இணையவிருப்பதாக தகவல் பரவியது. அதிமுகவில் இருந்து திமுகவுக்கு சென்ற வி.பி.துரைசாமி, கு.க.செல்வம்...

மேலும் ஒரு அதிமுக எம்.எல்.ஏவுக்கு கொரோனா!

தென்காசி மாவட்டம் வாசுதேவநல்லூர் அதிமுக சட்டமன்ற உறுப்பினர் மனோகரன் கொரோனாவால் பாதிக்கப்பட்டுள்ளார். கொரோனா வைரஸ் தமிழகத்தில் அதிக அளவில் பரவி வருகிறது. இதனை தடுக்க அனைத்து மாவட்ட நிர்வாகங்களும் தமிழக அரசும் இணைந்து அதிரடி...

கொரோனாவை குணப்படுத்துவதாகக் கூறி லாபம் ஈட்ட முயன்ற பதஞ்சலிக்கு ரூ.10 லட்சம் அபராதம்

கொரோனாவை குணப்படுத்துவதாகக் கூறி மக்களின் அச்சத்தை பயன்படுத்தி லாபம் ஈட்ட முயன்றதாக பதஞ்சலி நிறுவனத்திற்கு ரூ.10 லட்சம் அபராதம் விதித்து சென்னை உயர்நீதிமன்றம் உத்தரவு பிறப்பித்துள்ளது. கனரக தொழிற்சாலைகளில் இயந்திரங்களை சுத்தப்படுத்துவதற்கான ரசாயன கலவையை...

’இந்த லிஸ்ட்டில் நானா?’ கிரிக்கெட்டர் மிதாலி ராஜ் ஆச்சரியம் – டாப்ஸி பெருமை!

ஆண்கள் மட்டுமே கோலோச்சிய வந்த கிரிக்கெட் உலகத்தில் ஒரு பெண் சட்டென்று எல்லோரின் பார்வையையும் தன்னை நோக்கி திரும்பிப் பார்க்க வைத்தவர் மிதாலி ராஜ். ஆண்கள் கிரிக்கெட்டில் சச்சின் எப்படி கருதப்பட்டரோ அதற்கு...