Home தமிழகம் கோவையில் கனமழை; வாகன ஓட்டிகள் கடும் அவதி

கோவையில் கனமழை; வாகன ஓட்டிகள் கடும் அவதி

கோவையில் ஒரு மணி நேரத்துக்கும் மேலாக மாநகர் மற்றும் புறநகர் பகுதிகளில் பரவலாக கனமழை பெய்ததால் வாகன ஓட்டிகள் கடும் அவதிப்பட்டனர்.

கோவை மாவட்டத்தில் மேற்கு தொடர்ச்சி மலையை ஒட்டியுள்ள பகுதிகளில் கடந்த சில தினங்களாகவே இரவு நேரங்களில் நல்ல மழை பெய்து வந்தது மேலும் பகல் நேரத்தில் மாவட்டத்தின் ஒரு சில பகுதிகளில் விட்டு விட்டு மழை பெய்து வந்தது இந்த நிலையில் இன்று காலை வெயில் குறைந்து வானம் மேக மூட்டத்துடன் காணப்பட்டது மேலும் மாவட்டத்தின் ஒரு சில இடங்களில் லேசான சாரல் மழை விட்டு விட்டு பெய்து வந்தது.

இந்த நிலையில் மதியம் கோவை மாவட்ட ஆட்சியர் அலுவலகம், ரயில் நிலையம், காந்திபுரம், ஆர்எஸ் புரம் , ராமநாதபுரம், உக்கடம், சிங்காநல்லூர் , அவினாசி சாலை திருச்சி சாலை உள்ளிட்ட பகுதிகளில் சுமார் ஒரு மணி நேரத்துக்கும் மேலாக நல்ல மழை பெய்ததால் மழை வெள்ளம் சாலைகளில் ஆறு போல ஓடியது.

இதனால் இருசக்கர வாகன ஓட்டிகள் கடும் அவதிக்கு உள்ளாகினர். சுமார் ஒரு மணி நேரத்திற்கு மேலாக நல்ல மழை பெய்ததால் வெப்பம் குறைந்து குளிர்ச்சி நிலவியது. இதனால் பொதுமக்கள் மகிழ்ச்சி அடைந்தனர்.

மேலும் கடந்த சில தினங்களாக மேற்கு தொடர்ச்சி மலையை ஒட்டியுள்ள பகுதிகளில் மழை பெய்து வருவதால் கோவை மாவட்டத்தில் உள்ள பெரும்பாலான நீர்நிலைகள் வேகமாக நிரம்பி வருவது குறிப்பிடத்தக்கது. மேலும் தொடர்ந்து சிறுவாணி அணையின் நீர்பிடிப்பு பகுதிகளில் நல்ல மழை பெய்து வருகிறது. இதனால் சிறுவாணி அணையின் நீர்மட்டமும் உயர்வதற்கு வாய்ப்பு உள்ளது .

மாவட்ட செய்திகள்

Most Popular

விஜய் மக்கள் இயக்க நிர்வாகிகள் இன்று ஆலோசனை!

விஜய் மக்கள் இயக்க மாவட்ட நிர்வாகிகள் விழுப்புரத்தில் இன்று ஆலோசனை மேற்கொள்கின்றனர். விஜய் மக்கள் இயக்க பொறுப்பாளர் புஸ்ஸி...

“அப்பா இருந்த கட்டிலில் அடுத்தவனோடு படுத்திருக்கியே .” -தாயின் கள்ள காதலன் செஞ்ச வேலையால் கதறும் பிள்ளைகள்

ஒரு தாயின் கள்ளக்காதலன் அவர்களின் அந்தரங்க படங்களை அந்த பெண்ணின் பிள்ளைகளுக்கு அனுப்பியதால் அந்த பெண் போலீசில் புகாரளித்தார். குஜராத்தின்...

ஐகோர்ட் கேள்வி..என்ன சொல்லப்போகிறார் அமித்ஷா?

தமிழக எம்.பிக்களுக்கு மத்திய அமைச்சர்கள் இந்தியில் பதில் அளிக்கும் விவகாரத்தில், விளக்கம் கேட்டு மத்திய உள்துறை அமைச்சருக்கு நோட்டீஸ் அனுப்பி இருக்கிறது உயர்நீதிமன்ற மதுரைக்கிளை. மதுரை...

பிக் பாஸ் வீட்டிலிருந்து இன்று வெளியேற போவது இவர் தான்: சோகத்தில் பாலா & கோ

பிக் பாஸ் இன்றைய நிகழ்ச்சிக்கான முதல் ப்ரோமோ இன்று வெளியாகியுள்ளது. பிக் பாஸ் வீட்டில் 56 நாளான இன்று...
Do NOT follow this link or you will be banned from the site!