Home அரசியல் 'கருணாநிதி'யின் பேரன் பணமோசடி வழக்கில் கைது: 'முரசொலி'யில் அறிவிப்பு வெளியிட்டு ஜகா வாங்கிய குடும்பம்!

‘கருணாநிதி’யின் பேரன் பணமோசடி வழக்கில் கைது: ‘முரசொலி’யில் அறிவிப்பு வெளியிட்டு ஜகா வாங்கிய குடும்பம்!

ஜோதிமணி மீது போலி மருந்து தயாரித்ததற்கான வழக்கு நிலுவையில் உள்ள நிலையில் தற்போது இந்த வழக்கோடு சேர்ந்து பணமோசடி வழக்கும் விசாரிக்கப்படும்

திமுக தலைவர் கருணாநிதி மகள் செல்வியின் மருமகனும்,  கருணாநிதியின் பேரனுமாகிய ஜோதிமணி  பணமோசடியின் காரணமாக கைது செய்யப்பட்டுள்ளார். 

ஜாகீர் அகமத் தமான் என்பவர் கடந்த 15 நாட்களுக்கு முன்பு சவுகார் பேட்டை காஸ்மெட்டிக் வியாபாரி தினேஷ் என்பவரை நேரில் சந்தித்துள்ளார். அப்போது, எனக்கு தெரிந்தவரிடம் 100 ரூபாய் நோட்டு கோடிக்கணக்கில் உள்ளது. அதனால் அதை 500 மற்றும் 2000 ரூபாய் நோட்டுகளாக மாற்றி கொடுத்தால் 20%கமிஷனும், 1 கோடி ரூபாயும் கிடைக்கும் என்று கூறியுள்ளார். 

karunanidhi

இதை நம்பி தினேஷும் 80 லட்சம் ரூபாய் பணத்துடன்,  சென்னை கிழக்கு கடற்கரை சாலை நீலாங்கரை, சன்ரைஸ் அவென்யூவில் உள்ள பங்களாவுக்கு சென்றுள்ளார். அங்கு மறைந்த திமுக முன்னாள் தலைவர் கருணாநிதியின் மகள் செல்வியின் மருமகன் ஜோதிமணி, ஜாகீர் அகமத் தமான், முனியாண்டி, விக்னேஷ், டேவிட் உள்ளிட்ட 5 பேர் இருந்துள்ளனர். அப்போது தினேஷிடம் இருந்து பணத்தை பெற்றுக்கொண்ட முனியாண்டி, விக்கேஷ், டேவிட் மூவரும் பணத்தை எண்ணுவதாக கூறி பின்புறமாக எடுத்து கொண்டு ஓடியுள்ளனர். பின்வாசல் வழியே சென்றவர்கள் நீண்ட நேரமாகியும் காணவில்லை என்பதால், தினேஷ், நீலாங்கரை காவல்துறையினருக்குத் தகவல் கொடுத்தார். 

சம்பவ இடத்துக்கு வந்த போலீசார், அங்கிருந்த  ஜோதிமணி மற்றும் ஜாகீரை பிடித்து விசாரித்தனர். அவர்களிடம் நடத்திய விசாரணையில், இதுபோன்ற பலரிடம் மோசடியில் ஈடுபட்டது தெரியவந்தது. 
இதனால் அதிர்ச்சியடைந்த சென்னை மாநகர காவல்துறை ஆணையர் ஏ.கே. விஸ்வநாதன் இந்த வழக்கை மத்திய குற்றப்பிரிவு காவல்துறைக்கு மாற்றி  உத்தரவிட்டுள்ளார்.ஏற்கனவே ஜோதிமணி மீது போலி மருந்து தயாரித்ததற்கான வழக்கு நிலுவையில் உள்ள நிலையில் தற்போது இந்த வழக்கோடு சேர்ந்து பணமோசடி வழக்கும் விசாரிக்கப்படும் என்று எதிர்பார்க்கப்படுகிறது. 

selvi

இந்த விவகாரத்தை தொடர்ந்து தங்களுக்கும் ஜோதி மணிக்கும் எந்த சம்பந்தமும் இல்லை என்று கருணாநிதி மகள் செல்வி மற்றும் அவரது கணவர் செல்வம் இருவரும் முரசொலி நாளிதழில் விளம்பரம் செய்துள்ளனர். 

 50 ஆண்டு கால அரசியல் வாழ்க்கை, 5 முறை தமிழக முதல்வர் என  வாழ்ந்து மறைந்த கருணாநிதியின் குடும்பத்தின் மீது ஊழல் குற்றச்சாட்டுகள்  புதிதல்ல. இதுபோன்ற பல  வழக்குகளை திமுகவும் கருணாநிதியின் குடும்பத்தினரும் சந்தித்துள்ளனர். இதில் சிறையில் காலம் கழித்த கதையும் உள்ளது. ஆனால்  ஜோதி மணியின் இந்த நூதன பணமோசடி புகார் ஆளுங்கட்சிக்குத் தீனிபோட்டுள்ள மாதிரி சிக்கியுள்ளதால் அண்ணா அறிவாலயத்தில் சலசலப்பு ஏற்பட்டுள்ளது. 

மாவட்ட செய்திகள்

Most Popular

பஞ்சாபை தொடர்ந்து ராஜஸ்தான் அரசும் மத்திய அரசின் வேளாண் சட்டங்களுக்கு எதிராக புதிய மதோசாக்கள் அறிமுகம்

பஞ்சாபை தொடர்ந்து காங்கிரஸ் ஆட்சி நடைபெறும் ராஜஸ்தானிலும் அம்மாநில அரசு மத்திய அரசின் வேளாண் சட்டங்களுக்கு எதிராக புதிய மதோசாக்கள் அறிமுகம் செய்துள்ளது. மத்திய அரசு...

கமல் நாத்தின் நட்சத்திர பேச்சாளர் அந்தஸ்தை திரும்ப பெற தேர்தல் ஆணையம் உத்தரவிட்டது நியாயமற்றது.. திக்விஜய சிங்

கமல் நாத்தின் நட்சத்திர பேச்சாளர் அந்தஸ்தை திரும்ப பெற தேர்தல் ஆணையம் உத்தரவிட்டது நியாயமற்றது என்று காங்கிரசின் மூத்த தலைவர் திக்விஜய சிங் தெரிவித்தார். மத்திய...

நடிகை ஊர்மிளாவுக்கு மேலவை உறுப்பினர் பதவி…. சிவ சேனா முடிவால் கூட்டணி கட்சியான காங்கிரசுக்கு பின்னடைவு

மகாராஷ்டிராவில் கவர்னர் ஒதுக்கீட்டில் நடிகை ஊர்மிளாவுக்கு மேலவை உறுப்பினர் பதவி வழங்க சிவ சேனா முடிவு செய்துள்ளது. இது சிவ சேனாவின் கூட்டணி கட்சியான காங்கிரசுக்கு பின்னடைவாக கருதப்படுகிறது.

கடவுளே முதல்வரானாலும் அனைவருக்கும் அரசாங்க வேலை கொடுக்க முடியாது… பா.ஜ.க. முதல்வர்

நாளையே கடவுள் முதல்வரானாலும் அனைவருக்கும் அரசு வேலை கொடுக்க முடியாது என்று கோவா பா.ஜ.க. முதல்வர் தெரிவித்தார். கோவாவின் பானாஜியில் அம்மாநில முதல்வர் பிரமோத் சாவந்த்...
Do NOT follow this link or you will be banned from the site!