Home அரசியல் கடந்த நாடாளுமன்ற தேர்தலில் ரூ.820 கோடி செலவு காங்கிரஸ்

கடந்த நாடாளுமன்ற தேர்தலில் ரூ.820 கோடி செலவு காங்கிரஸ்

2019 நாடாளுமன்ற தேர்தல் மற்றும் ஆந்திர பிரதேசம் மற்றும் சிக்கிம் உள்பட சில மாநில சட்டப்பேரவை தேர்தல்களில் ரூ.820 கோடிக்கு மேல் செலவு செய்ததாக காங்கிரஸ் கட்சி கணக்கு காட்டியுள்ளது.

அரசியல் கட்சிகள் தேர்தல் சமயத்தில் செய்த செலவுகள் மற்றும் வரவுகள் குறித்த விவரங்களை தேர்தல் ஆணையத்திடம் தாக்கல் செய்ய வேண்டும். அதன்படி, ஒவ்வொரு கட்சிகளும் 2019 நாடாளுமன்ற தேர்தலில் மேற்கொண்ட  வரவு மற்றும் செலவு குறித்த கணக்கை தேர்தல் ஆணையத்திடம் தாக்கல் செய்து வருகின்றன. கடந்த 31ம் தேதியன்று காங்கிரஸ் கட்சி தனது தேர்தல் வரவு/செலவு விவரங்களை தேர்தல் ஆணையத்திடம் தாக்கல் செய்தது. அதில், நாடாளுமன்ற தேர்தல் மற்றும் ஆந்திர பிரதேசம், சிக்கிம், ஒடிசா, தெலங்கானா ஆகிய மாநிலங்களின் சட்டப்பேரவை தேர்தல்களில் மொத்தம் ரூ.820 கோடிக்கு மேல் செலவு செய்ததாக தெரிவித்துள்ளது.

ராகுல், பிரியங்கா காந்தி

மொத்த செலவில் பிரச்சாரத்துக்காக ரூ.626.30 கோடியும், வேட்பாளருக்காக ரூ.193.9 கோடியும் காங்கிரஸ் செலவு செய்துள்ளது. அதேசமயம் தேர்தல் தேதி அறிவிக்கப்பட்டது முதல் முடிவடைந்தது வரையிலான காலத்தில் காங்கிரஸ் கட்சிக்கு ரூ.856 கோடி நிதி வந்துள்ளது. 2014 நாடாளுமன்ற தேர்தலை காட்டிலும் கடந்த தேர்தலில் காங்கிரஸ் கட்சி அதிகம் செலவிட்டுள்ளது. 2014 நாடாளுமன்ற தேர்தலில் காங்கிரஸ் ரூ.516 கோடி மட்டுமே செலவு செய்து இருந்தது.

திரிணாமுல் காங்கிரஸ்

மத்தியில் ஆளும் கட்சியான பா.ஜ.க. இன்னும் தேர்தல் வரவு செலவு கணக்குகளை தாக்கல் செய்யவில்லை. அதேசமயம் திரிணாமுல் காங்கிரஸ், பி.எஸ்.பி., என்.சி.பி. மற்றும் சி.பி.எம். ஆகிய கட்சிகள் தங்களது தேர்தல் வரவு/செலவு விவரங்களை தாக்கல் செய்து விட்டன. திரிணாமுல் காங்கிரஸ் ரூ.83.6 கோடியும், பி.எஸ்.பி. ரூ.55.4 கோடியும், தேசியவாத காங்கிரஸ் ரூ.72.3 கோடியும், சி.பி.எம். ரூ.73.1 லட்சமும் கடந்த நாடாளுமன்ற தேர்தலில் செலவு செய்துள்ளதாக தகவல். 
 

மாவட்ட செய்திகள்

Most Popular

இளம்பெண்ணுக்கு சரமாரி அரிவாள் வெட்டு – கணவர் போலீசில் சரண்

திருப்பத்தூர் ஆம்பூர் அருகே கருத்துவேறுபாடு காரணமாக பிரிந்து வாழ்ந்த மனைவியை, அலுவலகத்திற்குள் புகுந்து கணவர் சராமாரியாக அரிவாளால் வெட்டிய சம்பவம் அதிர்ச்சியை ஏற்படுத்தி உள்ளது. திருப்பத்தூர்...

ஏழை பெண்களுக்கு விலையில்லா கோழிக்குஞ்சுகள் வழங்கிய கே.சி.கருப்பணன்

ஈரோடு ஈரோடு மாவட்டம், பவானி சட்டமன்ற தொகுதிக்குட்பட்ட பகுதிகளை சேர்ந்த ஆயிரத்து 646 பெண்களுக்கு, ரூ.40.35 லட்சம் மதிப்பிலான 41 ஆயிரத்து 150 விலையில்லா அசில்...

முன்னாள் ராணுவ வீரரின் மகனை கொன்று, இருசக்கர வாகனம் கொள்ளை

காஞ்சிபுரம் காஞ்சிபுரம் அருகே முன்னாள் ராணுவ வீரரின் மகனை இரும்பு ராடால் தாக்கி கொலை செய்துவிட்டு, இருசக்கர வாகனம் திருடப்பட்ட சம்பவம் அதிர்ச்சியை ஏற்படுத்தி உள்ளது....

கேரளாவுக்கு லாரியில் கடத்திச்சென்ற 10 டன் ரேஷன் அரிசி பறிமுதல்

தென்காசி சங்கரன்கோவில் பகுதியில் இருந்து கேரளாவிற்கு லாரியில் கடத்திச்சென்ற 10 டன் ரேஷன் அரிசியை போலீசார் பறிமுதல் செய்து, 2 பேரிடம் விசாரணை நடத்தி வருகின்றனர்....
Do NOT follow this link or you will be banned from the site!