Home தமிழகம் கஜ தாண்டவம் ஆடிய புயல்: பலி எண்ணிக்கை 20-ஆக உயர்வு

கஜ தாண்டவம் ஆடிய புயல்: பலி எண்ணிக்கை 20-ஆக உயர்வு

கஜா புயல் கரையை கடந்துள்ள நிலையில், புயலுக்கு இதுவரை 20 பேர் உயிரிழந்துள்ளதாக தகவல்கள் வெளியாகியுள்ளன

கஜ தாண்டவம் ஆடிய புயல்: பலி எண்ணிக்கை 20-ஆக உயர்வு

சென்னை: கஜா புயல் கரையை கடந்துள்ள நிலையில், புயலுக்கு இதுவரை 20 பேர் உயிரிழந்துள்ளதாக தகவல்கள் வெளியாகியுள்ளன.

கஜா புயல் இன்று அதிகாலை 3.30 மணியளவில் நாகை – வேதாரண்யம் அருகே கரையை கடந்தது. தொடர்ந்து, தீவிர புயலில் இருந்து புயலாக மாறிய கஜா, புயலின் மொத்த கண் பகுதியும் நிலப்பரப்பில் நிலை கொண்டது. தற்போது, மேற்கு தொடர்ச்சி மலை வழியாக கஜா புயல் கேரளா நோக்கி செல்கிறது.

முன்னதாக, புயல் கரையை கடந்த போது பலத்த காற்று வீசியது. அதன் காரணமாக பல்வேறு இடங்களில் மரங்கள் முறிந்து விழுந்தன. மின் கம்பங்கள், வீடுகள் உள்ளிட்டவை பலத்த காற்றுடன் பெய்த மழையால் கடும் சேதம் அடைந்தன.

இந்த புயலானது புதுக்கோட்டை, கடலூர், நாகப்பட்டினம், தஞ்சாவூர் மாவட்டங்களில் அதிக சேதத்தை ஏற்படுத்தி சென்றுள்ளது. பாதுகாப்பான இடங்களில் மக்கள் தங்க வைக்கப்பட்டுள்ளனர். நாகை, கடலூர், ராமநாதபுரம், புதுக்கோட்டை, திருவாரூர், தஞ்சை மாவட்டங்களில் 461 முகாம்களில் 81,698 பேர் தங்க வைக்கப்பட்டுள்ளனர்.

இந்நிலையில், கஜா புயலின் கோரதாண்டவத்தில் சிக்கி உயிரிழந்தவர்களின் எண்ணிக்கை தற்போது 20-ஆக உயர்ந்துள்ளது. புதுக்கோட்டையில் 7 பேரும், தஞ்சாவூரில் 4 பேரும், கடலூரில் 3 பேரும், திருவாரூரில் 3 பேரும், திருச்சியில் ஒருவரும், சிவகங்கையில்2 பேரும், உயிரிழந்துள்ளதாக தெரியவந்துள்ளது. இறந்தவர்களில் 6 பேர் பெண்கள் ஆவார்கள்.

கஜா புயலால் உயிரிழந்தவர்களின் குடும்பங்களுக்கு தலா ரூ.10 லட்சம் நிவாரணம் நிதி வழங்க முதல்வர் எடப்பாடி பழனிசாமி உத்தரவிட்டுள்ளார் என்பது குறிப்பிடத்தக்கது.

கஜ தாண்டவம் ஆடிய புயல்: பலி எண்ணிக்கை 20-ஆக உயர்வு
-Advertisement-

மாவட்ட செய்திகள்

-Advertisement-

சமீபத்திய செய்திகள்

பசுவின் பெயரால் இளைஞர் அடித்துக் கொலை – இந்துத்துவ வெறியர்களால் தொடரும் அட்டூழியம்!

மத்தியப் பிரதேசத்தின் அச்சல்பூரைச் சேர்ந்த பாபு லால் பில் என்பவரும் அவரது நண்பர் பிந்துவும் வாகனத்தில் மாடுகளை ஏற்றிச் சென்று ராஜஸ்தான் மாநிலத்தில் சித்தர்கர் மாவட்டத்தில் பெகுன் என்ற இடத்திற்குச்...

“உயர் கல்வித் துறையில் எஸ்சி/எஸ்டி, முஸ்லீம்களுக்கு மாபெரும் அநீதி” – கொதித்தெழுந்த திருமாவளவன்!

உயர் கல்வித் துறையில் எஸ்.சி., எஸ்.டி. , முஸ்லிம் மக்களுக்கு அநீதி இழைக்கப்பட்டுள்ளதாக விசிக தலைவர் திருமாவளவன் குற்றஞ்சாட்டியிருக்கிறார். இதுதொடர்பாக அவர் வெளியிட்டுள்ள அறிக்கையில், "உயர் கல்வித்துறை நிலவரம் குறித்த...

பெட்ரோல், டீசல் விலை எதிரொலி: பணவீக்க விகிதம் 12.94% ஆக உயர்வு!

நாடு முழுவதும் உள்ள தேர்ந்தெடுக்கப்பட்ட உற்பத்தி நிறுவனங்களிலிருந்து சேகரிக்கப்படும் தரவுகள் அடிப்படையில் மொத்தவிலை குறியீடுகளின் பட்டியல் ஒவ்வொரு மாதமும் 14ஆம் தேதி வெளியிடப்படும். மே மாதத்துக்கான மொத்தவிலை குறியீட்டை (Wholesale...

நகைக்கடையில் ரூ.5 லட்சம் திருடிய காவலர்கள் – சென்னை காவல் ஆணையருக்கு அதிரடி உத்தரவு!

சென்னை பூக்கடை காவல் நிலையத்தில் காவலர்களாக முஜிப் ரஹ்மான், சுஜின் ஆகியோர் பணியாற்றினர். அந்தப் பகுதியில் பாதி ஷட்டர் திறக்கப்பட்ட நிலையில் இருந்த நகைக்கடையை கண்ட இவர்கள், ஊரடங்கு காலத்தில்...
- Advertisment -
TopTamilNews