Home தமிழகம் கஜா புயல்; முதல்வருடன் மத்திய குழு ஆலோசனை

கஜா புயல்; முதல்வருடன் மத்திய குழு ஆலோசனை

கஜா புயல் பாதிப்பு குறித்து முதல்வர் பழனிசாமியுடன் தலைமை செயலகத்தில் மத்திய குழு இன்று ஆலோசனை மேற்கொள்கிறது.

கஜா புயல்; முதல்வருடன் மத்திய குழு ஆலோசனை

சென்னை: கஜா புயல் பாதிப்பு குறித்து முதல்வர் பழனிசாமியுடன் தலைமை செயலகத்தில் மத்திய குழு இன்று ஆலோசனை மேற்கொள்கிறது.

கஜா புயல் புதுக்கோட்டை, நாகை, திருவாரூர், தஞ்சாவூர் ஆகிய மாவட்டங்களை சின்னாபின்னமாக்கியது. மக்கள் அனைவரும் வீடின்றி, உணவின்றி, உடையின்றி பரிதவித்து வருகின்றனர். ஏறத்தாழ ரூ 10,000 கோடி அளவில் கஜா சூறையாடி சென்றிருக்கிறது. இதனையடுத்து தமிழக அரசு ரூ 1,000 கோடி நிவாரணத்தொகை ஒதுக்கியுள்ளது. மேலும் மத்திய அரசிடம் ரூ 15,000 கோடி நிதி கோரியுள்ளது.

இதற்கிடையே கஜா புயல் பாதிப்பை மதிப்பீடு செய்ய மத்திய குழு அமைக்கப்பட்டது. அந்த குழுவில் மத்திய உள்துறை அமைச்சகத்தின் இணைச் செயலாளர் டேனியல் ரிச்சர்டு, மத்திய நிதித்துறை அமைச்சகத்தின் ஆலோசகர் ஆர்.பி.கவுல், வேளாண்மை, கூட்டுறவு மற்றும் விவசாயிகள் நலத்துறையின் இயக்குனர் பி.கே.ஸ்ரீவத்சவா, மத்திய ஊரக மேம்பாட்டு அமைச்சக துணைச் செயலாளர் மாணிக்சந்திர பண்டிட், மத்திய எரிசக்தித்துறை தலைமை பொறியாளர் வந்தனா சிங்கால், மத்திய நீர் ஆதாரத்துறை இயக்குனர் ஜெ.ஹர்ஷா, மத்திய சாலை போக்குவரத்து மற்றும் நெடுஞ்சாலை அமைச்சக கண்காணிப்பு பொறியாளர் ஆர்.இளங்கோவன் ஆகியோர் இடம்பெற்றுள்ளனர். இந்த குழு நேற்று சென்னை வந்தடைந்தது. 

இந்நிலையில், கஜா புயல் பாதிப்பு குறித்து தலைமை செயலகத்தில் முதல்வர் பழனிசாமியுடன் மத்திய குழு ஆலோசனை நடத்துகிறது. இந்த ஆலோசனைக்கூட்டத்தில் வருவாய் நிர்வாக ஆணையர் சத்தியகோபால், வருவாய் துறை முதன்மை செயலாளர் அதுல்ய மிஸ்ரா உள்பட முக்கிய அரசு துறைகளின் செயலாளர்கள் மத்திய குழுவினருடன் ஆலோசனை மேற்கொள்ள இருக்கின்றனர்.

இதனையடுத்து இன்று பிற்பகல் 2.45 மணிக்கு சென்னையில் இருந்து விமானம் மூலம் திருச்சி செல்லும் மத்திய குழுவினர், அங்கிருந்து அவர்கள் முதலில் புதுக்கோட்டைக்கு சென்று கஜா புயல் பாதித்த இடங்களை பார்வையிட்டு ஆய்வு மேற்கொள்கின்றனர்.அதன் பிறகு 25, 26-ம் தேதிகளில்  தஞ்சாவூர், திருவாரூர், நாகப்பட்டினம் ஆகிய மாவட்டங்களில் புயல் பாதித்த இடங்களில் ஆய்வு மேற்கொள்கின்றனர். 

கஜா புயல்; முதல்வருடன் மத்திய குழு ஆலோசனை
-Advertisement-

மாவட்ட செய்திகள்

-Advertisement-

சமீபத்திய செய்திகள்

அகவை முதிர்ந்த தமிழறிஞர்களுக்கு உதவித்தொகை வழங்கும் திட்டம் – தமிழ்நாடு அரசு அறிவிப்பு!

வயது முதிர்ந்த தமிழறிஞர்களுக்கு அரசு வழங்கும் மாத உதவித் தொகையை பெறுவதற்கு விண்ணப்பங்கள் வரவேற்கப்படுவதாக தமிழக அரசு அறிவித்துள்ளது.

குழந்தைகள் கிணற்றில் மூழ்கி உயிரிழந்து உடல்கள் மிதக்கும் வரை.. வெறித்து பார்த்துக் கொண்டிருந்த தாய்

பெற்ற குழந்தைகளை கிணற்றுக்குள் வீசியதில் அக்குழந்தைகள் தண்ணீருக்குள் மூழ்கி உயிரிழந்து உடல்கள் மேலே வந்து மிதக்கும் வரைக்கும் வெறித்து பார்த்து கொண்டிருந் திருந்கிறார். ஆட்கள் அருகே வந்ததும் தான் தற்கொலை...

2 நாட்களில் மூட்டைக்கு ரூ.55 குறைந்த சிமெண்ட் விலை!

தமிழகத்தில் கொரோனா ஊரடங்கு காரணமாக 70% கட்டுமான பணிகள் தேக்கமடைந்துள்ளன. கட்டுமானப் பணிகளுக்கு அழைத்து வரப்பட்டு பணி செய்து வரும் வட மாநில தொழிலாளர்கள் பொதுமக்கள் காரணமாக சொந்த...

விடுபட்ட 9 மாவட்டங்களில் உள்ளாட்சி தேர்தல்- முதல்வர் ஆலோசனை

விடுபட்ட 9 மாவட்டங்களில் உள்ளாட்சி தேர்தலை நடத்துவது தொடர்பாக முதலமைச்சர் மு.க.ஸ்டாலின் அமைச்சர்கள் மற்றும் அதிகாரிகளுடன் ஆலோசனை நடத்தினார்.
- Advertisment -
TopTamilNews