Home இந்தியா இந்தியாவின் பொருளாதார வளர்ச்சி 4.8 சதவீதமாக குறைந்திருக்கும்..... அடித்து சொல்லும் பன்னாட்டு நிதியம்....

இந்தியாவின் பொருளாதார வளர்ச்சி 4.8 சதவீதமாக குறைந்திருக்கும்….. அடித்து சொல்லும் பன்னாட்டு நிதியம்….

2019ல் இந்தியாவின் பொருளாதார வளர்ச்சி 4.8 சதவீதமாக குறைந்திருக்கும் என பன்னாட்டு நிதியம் தற்போது கணித்துள்ளது. கடந்த அக்டோபர் மதிப்பீட்டின்போது, இந்தியாவின் பொருளாதாரத்தில் 6 சதவீதம் வளர்ச்சி ஏற்படும் என கணித்து இருந்தது குறிப்பிடத்தக்கது.

நாட்டின் பொருளாதார வளர்ச்சி கடந்த சில காலாண்டுகளாகவே சரிந்து வருகிறது. நடப்பு நிதியாண்டின் முதல் காலாண்டில் ஜிடிபி 5 சதவீதமாகச் சரிந்த நிலையில், 2-வது காலாண்டில் 4.5 சதவீதமாகக் கடந்த 6 ஆண்டுகளில் இல்லாத அளவுக்கு வீழ்ச்சி அடைந்தது. இதனால் நாட்டின் பொருளாதார வளர்ச்சி குறித்து அனைத்து தரப்பினருக்கும் கவலை ஏற்பட்டது.

பன்னாட்டு நிதியம்

இந்நிலையில் பன்னாட்டு நிதியம் இந்தியாவின் பொருளாதார வளர்ச்சி குறித்த தனது மதிப்பீட்டை தற்போது குறைத்துள்ளது. கடந்த அக்டோபர் மாதம் பன்னாட்டு நிதியம் வெளியிட்டு மதிப்பீட்டில், 2019ம் ஆண்டில் இந்தியாவின் பொருளாதாரத்தில் 6.1 சதவீதம் வளர்ச்ச ஏற்படும் என்றும், 2020ல் 7 சதவீதமும், 2021ல் 7.4 சதவீதமும் வளர்ச்சி ஏற்படும் என கணித்து இருந்தது. ஆனால் தற்போதைய மதிப்பீட்டில் இந்தியாவின் பொருளாதார வளர்ச்சியை குறைத்துள்ளது. அதாவது 2019ல் 4.8 சதவீதம் அளவுக்கே பொருளாதாரத்தில் வளர்ச்சி ஏற்படும். 2020 மற்றும் 2021ம் ஆண்டுகளில் முறையே 5.8 சதவீதம் மற்றும் 6.5 சதவீதம் அளவுக்கே பொருளாதாரத்தில் வளர்ச்சி ஏற்படும் என முன்னறிவிப்பு செய்துள்ளது.

பொருளாதாரம்

உள்நாட்டில் தேவை குறைந்தது, வங்கியில்லா நிதிசேவை துறையில் நிலவும் நெருக்கடி மற்றும் கடன் வளர்ச்சி குறைந்தது போன்றவை இந்தியாவின் பொருளாதார வளர்ச்சி குறைவுக்கு முக்கிய காரணமாக பன்னாட்டு நிதியம் கூறுகிறது. மேலும் இந்தியாவின் பொருளாதார மந்தநிலைதான் உலக மற்றும் வளர்ந்து வரும் நாடுகளின் பொருளாதார வளர்ச்சியை குறைத்து மதிப்பீடுவதற்கு முக்கிய காரணம் எனவும் பன்னாட்டு நிதியம் குற்றச்சாட்டியுள்ளது.

மாவட்ட செய்திகள்

Most Popular

அடுத்த போட்டியில் களம் இறங்குவாரா ரோஹித் ஷர்மா?

நான்கு முறை ஐபிஎல் சாம்பியன் ஆகியுள்ள டீம் மும்பை இண்டியன்ஸ். அதற்கு முக்கியக் காரணம் அந்த அணியின் கேப்டன் ரோஹித் ஷர்மா. ஆனால், அவர் தற்போது இரண்டு போட்டிகளாக ஆடவில்லை.

அரசு நலத்திட்ட பணிகளை தொடங்கிவைத்த அமைச்சர் செங்கோட்டையன்

ஈரோடு ஈரோடு மாவட்டம், கோபி சட்டமன்ற தொகுதிக்குட்பட்ட பகுதிகளில் ரூ.43.65 லட்சம் மதிப்பீட்டில் கட்டப்பட்ட புதிய கட்டிடங்களை அமைச்சர் செங்கோட்டையன் திறந்துவைத்து, 67 பயனாளிகளுக்கு ரூ.84.24...

‘7.5% இட ஒதுக்கீடு’ நந்தகுமாரின் கடிதத்துக்கும் பாஜகவுக்கும் சம்பந்தமில்லை: எல்.முருகன் விளக்கம்!

இட ஒதுக்கீடு விவகாரத்தில் நந்தகுமாரின் கடிதத்துக்கும் பாஜகவுக்கும் எந்த சம்பந்தமும் இல்லை என தமிழக பாஜக தலைவர் எல்.முருகன் தெரிவித்துள்ளார்.

விஷ கிழங்கை சாப்பிட்ட முதியவர் சிகிச்சை பலனின்றி உயிரிழப்பு

தர்மபுரி தர்மபுரி மாவட்டத்தில் வயிற்று வலி காரணமாக விஷ கிழங்கை சாப்பிட்ட முதியவர், சிகிச்சை பலனின்றி மருத்துவமனையில் உயிரிழந்தார். பென்னாகரம் வட்டம்...
Do NOT follow this link or you will be banned from the site!