Home விளையாட்டு ஆஷஸ்: ஆர்ச்சர் அபாரம்.. தொடரை சமன் செய்தது இங்கிலாந்து!!

ஆஷஸ்: ஆர்ச்சர் அபாரம்.. தொடரை சமன் செய்தது இங்கிலாந்து!!

ஆஸ்திரேலியாவுக்கு எதிரான 5வது டெஸ்ட் போட்டியை வென்று ஆஷஸ் தொடரை 2-2 என சமன் செய்தது இங்கிலாந்து அணி.

ஐந்து டெஸ்ட் போட்டிகள் கொண்ட ஆஷஸ் தொடர் இங்கிலாந்தில் நடைபெற்று வருகிறது. 4 டெஸ்ட் போட்டிகளின் முடிவில் 2-1 என ஆஸ்திரேலிய அணி முன்னிலை பெற்றிருந்தது. 

ஆஸ்திரேலியாவுக்கு எதிரான 5வது டெஸ்ட் போட்டியை வென்று ஆஷஸ் தொடரை 2-2 என சமன் செய்தது இங்கிலாந்து அணி.

ஐந்து டெஸ்ட் போட்டிகள் கொண்ட ஆஷஸ் தொடர் இங்கிலாந்தில் நடைபெற்று வருகிறது. 4 டெஸ்ட் போட்டிகளின் முடிவில் 2-1 என ஆஸ்திரேலிய அணி முன்னிலை பெற்றிருந்தது. 

aus vs eng

இந்நிலையில் 5-வது டெஸ்ட் போட்டி லண்டனில் உள்ள ஓவல் மைதானத்தில் நடைபெற்றது. டாஸ் வென்ற ஆஸ்திரேலிய அணி பந்துவீச்சை தேர்வு செய்தது. முதல் இன்னிங்சில் இங்கிலாந்து அணி 294 ரன்கள் எடுத்திருந்தது. ரூட் மற்றும் பட்லர் இருவரும் அரைசதம் கண்டனர். ஆஸ்திரேலிய அணிக்கு மிச்சல் மார்ஸ் 5 விக்கெட்டுகளை வீழ்த்தி இருந்தார். 

இதைத் தொடர்ந்து முதல் இன்னிங்சை தொடர்ந்த ஆஸ்திரேலியா அணி 10 விக்கெட் இழப்பிற்கு 225 ரன்கள் மட்டுமே எடுத்தது. வழக்கம்போல, ஸ்மித் (80) மட்டுமே அணிக்கு கைகொடுத்தார். மற்ற வீரர்கள் குறைந்த ரன்களே எடுத்து ஆட்டம் இழந்தனர். ஜோப்ரா ஆர்ச்சர் அபாரமாக பந்து வீசி 6 விக்கெட்டுகளை வீழ்த்தினார்.

smith

69 ரன்கள் முன்னிலையுடன் 2-வது இன்னிங்சை தொடர்ந்த இங்கிலாந்து அணி நிதானமாக ஆடி ரன் குவிப்பில் ஈடுபட்டது. இம்முறை துவக்க வீரர் டென்லி மற்றும் ஆல்ரவுண்டர் ஸ்டோக்ஸ் இருவரும் அணிக்காக ரன் சேர்த்தனர். டென்லி 94 ரன்களும் ஸ்டோக்ஸ் 57 ரன்களும் எடுத்து அணியை நல்ல நிலைக்கு எடுத்துச் சென்றனர். 10 விக்கெட் இழப்புக்கு 329 ரன்கள் எடுத்திருந்த இங்கிலாந்து அணி ஆஸ்திரேலிய அணிக்கு 399 ரன்களை இலக்காக வைத்தது. 

சற்று கடினமான இலக்குடன் களமிறங்கிய ஆஸ்திரேலிய அணிக்கு இம்முறை ஸ்மித் கைகொடுக்கவில்லை. ஆனால் அனுபவ வீரர் வேட் சதம் அடித்து அசத்தினார். அவர் ஒருவர் மட்டுமே அணையில் அரைசதம் கடந்த வீரராக இருந்தார். இறுதியில் 263 ரன்கள் மட்டுமே எடுத்து 135 ரன்கள் வித்தியாசத்தில் 5-வது டெஸ்ட் போட்டியை இங்கிலாந்து அணியிடம் பறிகொடுத்தது. 

இங்கிலாந்து அணி இந்த வெற்றியின் மூலம் ஆஷஸ் தொடரை 2 – 2 என சமன் செய்தது. 

ஆட்ட நாயகனாக ஜோப்ரா ஆர்ச்சர் தேர்வு செய்யப்பட்டார். தொடர் நாயகன் விருது ஸ்மித் மற்றும் ஸ்டோக்ஸ் இருவருக்கும் பகிர்ந்து கொடுக்கப்பட்டது.

மாவட்ட செய்திகள்

Most Popular

கும்பகோணம் வாக்கு எண்ணிக்கை மையத்தில் ஆட்சியர் ஆய்வு!

தஞ்சாவூர் கும்பகோணம் அரசு கல்லூரியில் உள்ள வாக்கு எண்ணிக்கை மையத்தை இன்று தஞ்சை ஆட்சியர் நேரில் பார்வையிட்டு ஆய்வு செய்தார். தஞ்சை...

ஏன் இருக்கிறது என்று தெரியாத குடல்வால் ஏற்படுத்தும் பாதிப்பு… அறிகுறிகள் அறிவோம்!

மனித உடலில் எதற்காக இருக்கிறது என்றே தெரியாமல் இருக்கும் ஒரு உறுப்பு குடல்வால். அதனால் பயன் இருக்கிறதா என்று தெரியவில்லை. சிலருக்கு அது தொல்லையாக மாறுவது மட்டும் தொடர்கிறது. சிறுகுடல்...

தமிழக வாழ்வுரிமை கட்சியை பேச்சுவார்த்தைக்கு அழைத்த திமுக!

தமிழக சட்டப்பேரவைத் தேர்தலுக்கு இன்னும் ஒருமாதமே உள்ளதால் தேர்தல் பணிகள் மும்முரமாக நடைபெற்று வருகிறது. தமிழகத்தின் மிகப்பெரிய காட்சிகளாக பார்க்கக்கூடிய அதிமுக - திமுக கட்சிகள் இந்த தேர்தலிலும் நேருக்கு...

வாக்கு சீட்டில் புகைப்படம் இருக்காது: தேர்தல் அதிகாரி சத்ய பிரதா சாகு

தமிழகத்தில் ஒரே கட்டமாக வரும் ஏப்ரல் 6ம் தேதி தேர்தல் நடைபெற உள்ளது. இதையொட்டி, அரசியல் கட்சிகள் அனைத்தும் தேர்தல் பணிகளில் தீவிரமாக ஈடுபட்டுள்ளன. விருப்பமனு விநியோகம் நிறைந்து வேட்பாளர்களுக்கான...
TopTamilNews