Home உலகம் அதிக வேகமா? அதிக போதையா? இந்தோனேசிய விமான விபத்துக்கு என்ன காரணம்?

அதிக வேகமா? அதிக போதையா? இந்தோனேசிய விமான விபத்துக்கு என்ன காரணம்?

இந்தோனேசிய விமான விபத்துக்கு அதிக வேகம் அல்லது விமானி அதிகளவு மது போதையில் இருந்தது காரணமாக இருக்கலாம் என தகவல்கள் வெளியாகியுள்ளன

ஜகர்த்தா: இந்தோனேசிய விமான விபத்துக்கு அதிக வேகம் அல்லது விமானி அதிகளவு மது போதையில் இருந்தது காரணமாக இருக்கலாம் என தகவல்கள் வெளியாகியுள்ளன.

இந்தோனேசியாவின் தலைநகர் ஜகார்த்தா நகரில் இருந்து பங்கல் பினாங் நகருக்கு கடந்த மாதம் 29-ம் தேதி காலையில் புறப்பட்ட நகருக்கு லயன் ஏர்லைன்ஸ் நிறுவனத்தின் ஜேடி 610 என்ற போயிங் ரக விமானம், வானில் பறந்த 13 நிமிடங்களில் கட்டுப்பாட்டு அறையுடனான தொடர்பை இழந்து ஜகார்த்தாவின் வடகடல் பகுதியில் விழுந்து விபத்துக்குள்ளானது.

இந்த விபத்தில் சிக்கி விமானத்தில் பயணித்த பயணிகள், ஊழியர்கள் என மொத்தம் 189 பேர் பரிதாபமாக உயிரிழந்தனர். இதையடுத்து, நடைபெற்ற மீட்பு பணிகளின் போது, ஜாவா கடலில் விழுந்து நொறுங்கிய விமானத்தின் பாகங்கள் கண்டெடுக்கப்பட்டன. அந்த வகையில், விபத்துக்குள்ளான விமானத்தின் கருப்பு பெட்டி மீட்கப்பட்டு, விபத்துக்கு முந்தைய நொடிகளில் என்ன நடந்தது என்று ஆய்வு மேற்கொள்ளப்பட்டு வருகிறது.

அதன்படி, விமானம் விபத்துக்குள்ளாகும் முன்பு மணிக்கு ஆயிரத்து 14 கிலோமீட்டர் வேகத்திற்கு சென்றதாக ராடார் பதிவுகளில் தெரிய வந்துள்ளது. அந்த வேகத்திலேயே அந்த விமானம் கடலில் விழுந்து நொறுங்கியுள்ளது. மேலும், கடலை நோக்கி விமானம் செங்குத்தாக சென்று விழுந்தது ஏன் என்று ஆலோசித்து வரும் வல்லுனர்கள், விமானத்தின் அதிவேகம் தான் விபத்துக்கு காரணமா என்றும் ஆலோசித்து வருகிறார்கள்.

இதனிடையே, விமானத்தை இயக்கிய விமானி அதிகளவில் மது அருந்தி போதையில் இருந்ததாகவும் மற்றொரு தகவல் வெளியாகியுள்ளது. விபத்துக்குள்ளான லயன் ஏர்லைன்ஸ் விமானத்தை இயக்கியது இந்தியாவை சேர்ந்த விமானி பாவ்யே சுனேஜா என்பது குறிப்பிடத்தக்கது.

மாவட்ட செய்திகள்

Most Popular

பட்டா மாறுதலுக்கு ரூ.7 ஆயிரம் லஞ்சம் பெற்ற விஏஓ, உதவியாளர் கைது!

கோவை கோவை அருகே தனியார் நிறுவன ஊழியரிடம் பட்டா மாறுதலுக்கு ரூ.7 ஆயிரம் லஞ்சம் பெற்ற கிராம நிர்வாக அலுவலரை, லஞ்ச ஒழிப்புத்துறையினர் கைதுசெய்தனர்.

மீண்டும் அழைப்பு விடுத்த திமுக? ஏற்றுக்கொள்ளுமா காங்கிரஸ்?

இரண்டு கட்ட பேச்சுவார்த்தையிலும் உடன்பாடு எட்டாததால் மூன்றாம் கட்ட பேச்சுவார்த்தைக்கு வருமாறு காங்கிரசுக்கு திமுக அழைப்பு விடுத்திருக்கிறது. மூன்றாம் கட்ட பேச்சுவார்த்தை இன்று மாலையில் நடைபெற...

“1 கிலோ கேக் வாங்குங்க; 1 லிட்டர் பெட்ரோல் இலவசமாக வாங்கிட்டு போங்க”: அசத்தல் அறிவிப்பு

சர்வதேச சந்தையில் கச்சா எண்ணெய் விலையை பொறுத்தே எண்ணெய் நிறுவனங்கள் பெட்ரோல் மற்றும் டீசல் விலையை நிர்ணயிக்கின்றன. கொரோனா காலகட்டத்தில் கச்சா எண்ணெய் விலை குறைந்திருந்த போதும், இந்தியாவில் பெட்ரோல்...

மீண்டும் சுழல் புயல் மையம் கொண்டது – இங்கிலாந்து சிக்கி சின்னாபின்னமானது!

இங்கிலாந்து, இந்தியா அணிகளுக்கிடையேயான நான்காவது மற்றும் கடைசி போட்டி அகமதாபாத்தில் நடைபெற்றுவருகிறது. ஆடுகள சர்ச்சைக்குப் பின் மாற்றியமைக்கப்பட்டதாகக் கூறப்பட்டது. இருந்தாலும் ஆடுகளம் ஸ்பின்னுக்கு தான் ஒத்துழைத்துவருகிறது. இங்கிலாந்தை விட இந்தியாவுக்கே...
TopTamilNews