Home இந்தியா அடுத்த மாதம் டிரம்ப் இந்தியா வர இருப்பதால், அவரது காஷ்மீர் கருத்துக்கு அரசு வலுவான எதிர்ப்பு தெரிவிக்காது....

அடுத்த மாதம் டிரம்ப் இந்தியா வர இருப்பதால், அவரது காஷ்மீர் கருத்துக்கு அரசு வலுவான எதிர்ப்பு தெரிவிக்காது….

அமெரிக்க அதிபர் டிரம்ப் அடுத்த மாதம் இந்தியா வர உள்ளதால், காஷ்மீர் தொடர்பான அவருடைய கருத்துக்கு மத்திய அரசு வலுவாக எதிர்ப்பு தெரிவிக்காது என ஒரு தகவல் வெளியாகியுள்ளது.

சுவிட்சர்லாந்தின் டாவோஸ் நகரில் உலக பொருளாதார கூட்டமைப்பு மாநாடு நடைபெறுகிறது. இதில், பாகிஸ்தான், அமெரிக்கா உள்ளிட்ட நாடுகளை சேர்ந்த தலைவர்கள் பங்கேற்றுள்ளனர். இந்த மாநாட்டின் போது பாகிஸ்தான் பிரதமர் இம்ரான் கானை அமெரிக்க அதிபர் டொனால்ட் டிரம்ப் சந்தித்து பேசினார். அப்போது காஷ்மீர் விவகாரம் குறித்து இம்ரான்கானிடம் டிரம்ப் ஆலோசனை செய்ததாக தெரிகிறது. இந்த சந்திப்புக்கு பிறகு செய்தியாளர்களிடம் பேசுகையில், காஷ்மீர் விவகாரத்தில் முடிந்ததால் நாங்கள் உதவுவோம் என தெரிவித்தார். ஆனால் மத்திய அரசு அதனை நிராகரித்து விட்டது.

இம்ரான் கான், டொனால்ட் டிரம்ப்

காஷ்மீர் விவகாரம் இருதரப்பு பிரச்சனை என பலமுறை மத்திய அரசு தெளிவாக கூறியுள்ளது. ஆனால் அமெரிக்க அதிபர் தொடர்ந்து காஷ்மீர் விவகாரத்தில் தொடர்ந்து மூக்கை நுழைத்து வருகிறார். இருந்தாலும் தற்போது காஷ்மீர் விவகாரம் தொடர்பான டிரம்பின் கருத்துக்கு இந்தியா வலுவான எதிர்ப்பை காட்டாது விரும்பாது. ஏனென்றால் அமெரிக்க அதிபர் டொனால்ட் டிரம்ப் முதல் முறையாக இந்தியாவுக்கு அடுத்த மாதம் 24ம் தேதி வர உள்ளார். அதனால் கடுமையான எதிர்ப்பை காட்டி ஒரு கசப்பான சூழ்நிலையை உருவாக்க வேண்டாம் என மத்திய அரசு நினைக்கும்.

மத்திய அரசு

காஷ்மீர் விவகாரம் குறித்து டிரம்பின் கருத்து மத்திய அரசின் உயர் அதிகாரி ஒருவர் கூறுகையில், காஷ்மீர் விவகாரத்தில் நமது நிலை தெளிவாக மற்றும் நிலையானது. காஷ்மீர் விவகாரத்தில் மூன்றாவது நபருக்கு வேலை இல்லை. இதற்கு மேல் ஒன்றும் சொல்வதற்கில்லை. மேலும் மத்தியஸ்தம் அல்லது வசதி ஏற்படுத்துவதாக டிரம்ப் தனது பேச்சில் குறிப்பிடவில்லை என தெரிவித்தார்.

மாவட்ட செய்திகள்

Most Popular

பைனான்சியர் கொலை வழக்கில் முக்கிய குற்றவாளி நீதிமன்றத்தில் சரண்

மதுரை திண்டுக்கல் மாவட்டத்தில் பைனான்சியர் வெட்டிகொல்லப்பட்ட வழக்கில் முக்கிய குற்றவாளி, மதுரை மாவட்ட நீதிமன்றத்தில் சரணடைந்தார். திண்டுக்கல் மாவட்டம் நத்தம் சாலையில் ராதாராஜ் நகரை சேர்ந்தவர்...

நிவர் புயல் அப்டேட்: காற்றழுத்த தாழ்வு மண்டலம் ஆழ்ந்த காற்றழுத்த தாழ்வு மண்டலமாக மாறியது

காற்றழுத்த தாழ்வு மண்டலம் ஆழ்ந்த காற்றழுத்த தாழ்வு மண்டலமாக மாறியதாக வானிலை ஆய்வு மையம் தெரிவித்துள்ளது. வங்கக்கடலில் உருவாகியுள்ள காற்றழுத்த தாழ்வு பகுதி, காற்றழுத்த தாழ்வு...

சிறுமியை கடத்தி திருமணம் செய்த பட்டதாரி ஆசிரியர் போக்சோவில் கைது

தர்மபுரி தருமபுரியில் 12ஆம் வகுப்பு மாணவியை கடத்திச்சென்று திருமணம் செய்த பட்டதாரி ஆசிரியரை, போக்சோ சட்டத்தின் கீழ் போலீசார் கைதுசெய்தனர். தர்மபுரி மாவட்டம் மகேந்திரமங்கலம் பகுதியை...

மலைவாழ் மக்களுக்கு வீட்டுமனை பட்டா கோரி எம்எல்ஏ மனு

திருப்பத்தூர் மலைவாழ் மக்களுக்கு இலவச வீட்டுமனை பட்டா வழங்க கோரி, திருப்பத்தூர் மாவட்ட ஆட்சியரின் நேர்முக உதவியாளரிடம், திமுக எம்எல்ஏ நல்லதம்பி மனு வழங்கினார். அந்த...
Do NOT follow this link or you will be banned from the site!